Difference between revisions of "Page:EBC 1600 07 22 0106.pdf/2"

From GATE
Page body (to be transcluded):Page body (to be transcluded):
Line 1: Line 1:
[[Category:EBC_Proofread]][[Category:EBC_Letters]]
+
[[Category:EBC Proofread]][[Category:EBC Pages]][[Category:EBC_Letters]]
 
contemnunt, ea legere dedignentur, ut indocti per se eadem intelligere possint.<lb/>
 
contemnunt, ea legere dedignentur, ut indocti per se eadem intelligere possint.<lb/>
 
Porro illius insinuandi ratio eiusmodi occurrit. Confessionem quandam Maiorum, incolarum trium Regnorum, Daniae, Sveviae et Norvegiae, subcessivis horis conscripsi, planam et sine contentione placidam, necnon ad lectorem catechizandum, ut potui, accommodatam.
 
Porro illius insinuandi ratio eiusmodi occurrit. Confessionem quandam Maiorum, incolarum trium Regnorum, Daniae, Sveviae et Norvegiae, subcessivis horis conscripsi, planam et sine contentione placidam, necnon ad lectorem catechizandum, ut potui, accommodatam.

Revision as of 14:56, 8 May 2019

This page has been proofread

contemnunt, ea legere dedignentur, ut indocti per se eadem intelligere possint.
Porro illius insinuandi ratio eiusmodi occurrit. Confessionem quandam Maiorum, incolarum trium Regnorum, Daniae, Sveviae et Norvegiae, subcessivis horis conscripsi, planam et sine contentione placidam, necnon ad lectorem catechizandum, ut potui, accommodatam. Haec si probaretur, illam Regi et Senatui Dano dedicarem. Verum ne illis suspecta esset, in praefatione prae me ferrem ex officio me tantum hoc agere, ut communionem Maiorum nostrorum Regnorumque honori ac securitati consulatur. Quandoquidem enim in eo errore plerique versantur, ut a calumniatoribus decepti optimos Maiores suos, qui ipsis septingentis prope annis christianam fidem cum toto christiane orbe praecoluerunt, omnesque eiusdem fidei christianos, contra omnem humanitatem, etiam in parentes suos pietatem iniuria perfidiae atque idololatriae accusent, eosque ad inferni incendia, quantum in se est, condemnent, in non exiguum tum Maiorum, tum aliorum christianorum Regnorum iniuriam atque praeiudicium; unde ipsis Regnis aliquando incommodari poterit: ideo me Maiorum christianam Confessionem scripsisse, ut ex ea omnes liquido intelligant, sibi impositum esse, graviterque in Maiores peccare, qui longe aliter quam illis affingatur crediderunt; aliisque longe fundamentis, quam malevoli quidam calumniati sunt, in religione sua nixos fuisse quod ut Rex et Senatus perviderent, malisque mature succurrerent, me, pro meo erga Regem meum et patriam amore, hanc Confessionem sub nomine et patrocinio eorum in lucem edidisse.
Hac igitur occasione exemplaria plurima in utroque Regno per familiares disseminari poterunt, quae hoc nomine quod Confessio Regi et Senatui dicata sit, liberius in manus popularium versarentur. Interea etiam tanta eligeretur iuventus, quanta in seminariis ali posset, unde aliquando suppeterent operarii, qui spem omnem, undecunque sese ostendentem, prosequantur. Illud autem hic inseram: hic
---page break---