Page:EBC 1600 05 02 0088.pdf/1

From GATE
Revision as of 12:15, 23 March 2017 by Daniel Benvenuti (talk | contribs) (→‎Proofread)
(diff) ← Older revision | Latest revision (diff) | Newer revision → (diff)
This page has been proofread

Illustrissimo ac R.mo D. D. Cardinali Bellarmino.
Magna nominis tui fama est, Ill.me Domine, ob eruditionis ac doctrinae praestantiam, quam toto orbe christiano oelebrem fecisti eruditissimis tuis scriptis; sed superai hanc admirabilis tua pietas nobis hic a multis retro annis notissima, quando non vitae solum exemplo sed doctrinae etiam, ac suavissimo praedicationis eloquio nos ad coelestia excitasti ac conduxisti. Ex quo tempore non dubitamus mansisse apud animum tuum pientissimum nostri amoris igniculos, quod opinamur et speramus certe non facile tibi excussum iri, quandiu te in mortalis huius vitae curriculo misericors Deus dignabitur conservare, quod ut quam diutissime sit, ab eo devota piane mente,totoque animo comprecamur, ut sic ex praesidiis eximiae tuae pietatis ac praestantissimae eruditionis Christi ecclesia d^tius fulciatur. Oportune nobis,rebusque huius nostrae Academiae iuvandis ad augustissimae purpurae dignitatem evectus nobis videris hoc tempore, quo salus nostra pericli�ari coepit apud Sacrosanctam Sedem Apostolicam per homines quos�am obstreperos et contentiosos. Quid rei sit, ab eximio viro ac domino Retro Lombardo, S. Theologiae doctore iam (ut opinamur^ intellexeris aut intelliges, mox ubi per graviora tua studia ac functiones integrum tibi erit vacare illi audiendo. Quod ut quantocius facere digneris, et causam nostram apud Sanctissimum Fontificem gratiae ac favoris tui aura provehere, per viscera misericordiae Christi te obtestamur. Devincies tibi hanc Academiam isto pietatis officio, et cum perenni tui memoria obstringes nos ad perpetuum nominis tui cultum ac observantiam. Eritque tibi huius beneficii merces Deus, ad quem pr� salute interim tua continua vota,precesque fundemus, ut et cum dignitatis incremento quam diutissime te conservet in hac vita,et in illa aeternitate expleat seipso. Lovanii postridie Calend.Maias 1600. - Ill.mae tuae Gratiae observantissimi, Rector et Universitas Lovaniensis.