Difference between revisions of "Page:EBC 1600 01 01 0078.pdf/1"

From GATE
m (→‎top: added Template:TurnPage, replaced: <references/> → <references/> {{TurnPage}})
 
Footer (noinclude):Footer (noinclude):
Line 1: Line 1:
<references/>
+
<references/> {{TurnPage}}

Latest revision as of 12:08, 6 May 2020

This page has been proofread

Illustrissimo ac Reverendissimo Roberto Bellarmino
S. R. E. Presbyt.Cardinali Franc. Schottus
I. C. Antverp. S. D.
Qui vastum Oceani pelagus navigare parant, Bellarmine Cardinalis, ita se comparant, ut fluminibus sese prius committant, quam conscendant; quo nauseam devitent, taediumque itineris paulatim superent. Idem faciendum iis semper existimavi, qui in Italiam, nobilissimam Europae provinciam cogitant, et visendae Urbis (hoc praesertim anno saeculari Iubilaei ) studio idcirco tenentur, ut principum Apostolorum limina, more maiorum, salutent, osculaque portibus defigant, atque ut rerum usu, et peregrinatione Prudentiam agant, Ulyssis illius πολύτροποu exemplo, Qui mores hominum multorum vidit, et urbes...
Romam porro cogitante, parentis iussu, Francisco, fratris mei Iacobo filio, bonae spei adolescente, selecta haec, cuique peregrinanti profutura, in lucem edi passus sum, idque eo libentius, quod hunc Prodicium Itinerarii vicem praebuisse ex Italia nuper reduci fratri meo cariss.P. And.Schotto; Societatis Iesu Sacerdoti, tibi Romae noto, et in primis caro, cognovissem...
Verum enimvero patronum, instituto maiorum quaerenti mihi, unus occurristi cui labor hic inscriberetur. Primum quidem quod Lovanii Grudiorum olim, dum Puri civili adolescens operam darem, theologiam illam, quae in scholis via ac ratione traditur, annos aliquot frequenti auditorum concursu docueris: deinde quod publice difficillimis civilium bellorum temporibus, ut pios confirmares, nutantesque erigeres, omnes denique stabilires, de Verbo Dei in maxima Academiae corona, Doctorumque applausu diserte disserentem magna voluptate audierimus. Post, Romam es evocatus, et
---page break---