Difference between revisions of "Page:De scriptoribus ecclesiasticis liber unus (1613).pdf/181"
| Header (noinclude): | Header (noinclude): | ||
| Line 5: | Line 5: | ||
<p style="float:left"> | <p style="float:left"> | ||
<i>Ab anno Domini 1000 ad 1100</i></p> | <i>Ab anno Domini 1000 ad 1100</i></p> | ||
| − | <p style="float:right"><span style="color: | + | <p style="float:right"> |
| + | <span style="color:Blue"> | ||
p. 163 | p. 163 | ||
</span></p> | </span></p> | ||
</small> | </small> | ||
<br> | <br> | ||
Latest revision as of 10:32, 9 August 2020
Ab anno Domini 1000 ad 1100
p. 163
[274.]
De Guitmundo episcopo Auersano – 1070
Guitmundus episcopus Auersanus vixit Gregorio VII summo pontifice, ut ipse testatur initio primi libri De eucharistia.
Scripsit libros tres De corpore & sanguine Domini in eucaristiae sacramento.
Nec solum veritatem confirmauit, sed etiam argumenta contraria docte
solideque destruxit.
Scripsit etiam Confessionem de sancta Trinitate, Christi humanitate & corporis Domini veritate, quae extant in Bibliotheca sanctorum Patrum tomo sexto, editione secunda & etiam seorsim cum Landfranci & Algeri libris excusa.
Unum est in quo Guitmundus reprehendi solet, quod libro 2 timuerit concedere species sacramentales vere posse corrumpi & putrefieri, quae potuisset admittere, sine ulla iniuria corporis Dominici fieri.
[275.]
De Georgio Cedreno – 1070
Georgius Cedrenus historicus Graecus scripsit Compendium historiarum ab orbe condito usque ad annum Domini 1057, quod opus extat Graece & Latine.
[276.]
De Ioanne Curopalate – 1070
Ioannes Curopalates scripsit Historiam ab anno Domini 811, usque ad annum 1081.
Extat cum Variis Cassiodori, excusus Venetiis anno 1570.
[277.]
De Theophylacto – 1071
Theophylactus archiepiscopus Bulgarorum vixit tempore Alexandri papae secundi & Romani Diogenis imperatoris circa annum Domini 1071, ut Card. Baronius demonstrat ex epistolis ipsius Theophylacti.
Scripsit in prophetas minores, Oseam, Ionam, Nahum & Habacuc.
Scripsit in quatuor Euangelia & in omnes epistolas Pauli, in quibus Commentariis in Euangelia & in epistolas, ita Chysostomum secutus est, ut Chrysostomi abbreuiator dici possit.
Porro schismaticus fuisse Theophylactum intelligi potest ex Commentario in cap. 3 Ioannis ubi Latinos reprehendit, quod credam Spiritum sanctum a Filio etiam procedere.
