Difference between revisions of "Page:De scriptoribus ecclesiasticis liber unus (1613).pdf/174"

From GATE
 
Page body (to be transcluded):Page body (to be transcluded):
Line 17: Line 17:
  
  
[251.]
+
<span style="color:Blue">
 +
[251.]</span>
 
De {{Smallcaps|Adone Viennensi}} – 879
 
De {{Smallcaps|Adone Viennensi}} – 879
 
<br>
 
<br>

Latest revision as of 10:39, 5 August 2020

This page has not been proofread



De scriptoribus ecclesiasticis

p. 156



[250.] De Aimoino – 873

Aimoinus monachus Gallus multa scripsisse, sed nunc extat sola (quod ego sciam) Historia de rebus gestis Francorum, quam perducit a primo rege Pharamundo usque ad obitum Ludouici Pii Caroli Magni filii & annum Domini 840.
Reliqua usque ad annum Domini 1165 ab aliquo alio addita esse videntur.
Ipse enim initio sui operis quatuor tantum libros se scripturum promisit, & quatuor libris comprehendit Res gestas Francorum, usque ad ultima tempora Ludouici Pii. Sed in fine libri quarti dicit, se quintum librum scribere velle de primordiis Ludouici, quae nimis breuiter perstrinxerat in libro quarto. & in ipso quinto libro cap. 17 dicit, se interpretatum Ludouico, quid protenderet dirus Cometes, qui tunc apparuerat, & duobus sequentibus capitibus declarat finem vitae Ludouici, quae contigit Christi anno 840 atque ibi existimamus esse finem Historiae Aimoini, neque ullo modo credibile est eum superuixisse ad annum Domini millesimum centesimum sexagesimum quintum, ad quem extenditur eius Historia, quare quod dicitur cap. 28 contra octauam synodum & venerationem imaginum, non videtur Aimoino tribuendum, sed illi qui Historiam eius continuauit.


[251.] De Adone Viennensi – 879

Ado episcopus Viennensis scripsit De sex aetatibus mundi Chronicum ab orbe condito usque ad annum Domini 879.


[252.] De Remigio Antisiodorensi – 890

Remigius Antisiodorensis monachus floruisse videtur circa annum Domini 890. Siquidem Fulco Remensis episcopus, qui hoc tempore sedebat, ad scholas instaurandas Magistrum Remigium Antisiodorensem Remos aduocauit, ut Frodoardus in eius Vita testatur. Fuit hic Remigius vir ea aetate doctissimus habitus. Scripsit Commentaria in Psalmos, ex Patribus Ambrosio & Augustino multa decerpens.
Scripsit etiam in duodecim prophetas.
Scripsit quoque De diuinis officiis, quae omnia opera impressa extant.
Scripsit etiam Expositionem missae, quae habetur in Bibliotheca sanctorum Patrum tomo 6 editionis 2. Scripsit de aliis multis argumentis quae utrum extent, ignoro.