Page:De scriptoribus ecclesiasticis liber unus (1613).pdf/171

From GATE
Revision as of 09:18, 4 August 2020 by J. L. Narvaja (talk | contribs)
This page has not been proofread



Ab anno Domini 800 ad 900

p. 153



annos Domini 850 & 851. Sanctus igitur Eulogius occasione persecutionis scripsit Memoriale martyrum, ubi tribus libris descripsit martyria Cordubensium martyrum.

Item Apologeticum pro martyribus.
Item epistolas aliquot.
Item Documentum siue Exhortationem ad martyrium, siue Documentum martyriale.

Extant in Bibliotheca sanctorum Patrum tomo nono editionis 2. Tandem & ipse sanctus Eulogius martyr occubuit anno Domini 859. Vide Annales Card. Baronii ad hunc annum.


[239.] De Haymone Halberstatensi – 850

Haymo episcopus Halberstatensis, discipulus quondam Alcuini plurima dicitur scripsisse in omnes scripturae diuinae libros. Sed utrum omnia extent, ignoro.
Extant Commentaria in Psalmos.
Item in epistolas omnes sancti Pauli.
Item in Prophetas omnes & Cantica canticorum.
Item in Apocalypsim.
Item In Euangelia homiliarum, tomi duo.
Item De Christianarum rerum memoria, libri tres.

Obiit anno Domini 853 ex Annalibus Card. Baronii ad hunc annum. Alii aliter scribunt.


[240.] De Angelomo – 850

Angelomus monachus Gallus floruit Lotharii imperatoris tempore. Scripsit in quatuor libros Regum & in Cantica canticorum ex antiquis Patribus explicationem.
Porro praefatione In Cantica laudat imperatorem Lotharium Angelomus, quod imperio dimisso monachus factus sit & in monasterio obierit.


[241.] De Christiano Druthmaro – 830

Christianus Druthmarus monachus Gallus scripsit Commentaria in euangelium sancti Matt􏰁haei, quod extat impressum anno 1530.


[242.] De Vvalafrido Strabone – 849

Vvalafridus Strabo a vitio oculorum sic appellatus, abbas Augiae, scripsit De rebus ecclesiasticis librum satis utilem, qui extat cum