Difference between revisions of "Page:De scriptoribus ecclesiasticis liber unus (1613).pdf/164"
| Header (noinclude): | Header (noinclude): | ||
| Line 5: | Line 5: | ||
<p style="float:left"> | <p style="float:left"> | ||
<i>De scriptoribus ecclesiasticis</i></p> | <i>De scriptoribus ecclesiasticis</i></p> | ||
| − | <p style="float:right"><span style="color: | + | <p style="float:right"> |
| + | <span style="color:Blue"> | ||
p. 146 | p. 146 | ||
</span></p> | </span></p> | ||
</small> | </small> | ||
<br> | <br> | ||
| Page body (to be transcluded): | Page body (to be transcluded): | ||
| Line 32: | Line 32: | ||
| − | [217.] | + | <span style="color:Blue"> |
| + | [217.]</span> | ||
De {{Smallcaps|Hadriano papa primo}} – 772 | De {{Smallcaps|Hadriano papa primo}} – 772 | ||
<br> | <br> | ||
Latest revision as of 12:06, 31 July 2020
De scriptoribus ecclesiasticis
p. 146
Iosaphat, quorum res gestas scripserat & ecclesia catholica in Martyrologio descriptos veneratur, die 27 nouembris, eosdem sanctos Barlaam & Iosaphat.
Oratio De his qui in fide migrauerunt, scrupulum iniecit, quia narrat Falconillam precibus primae martyris & Traiani animam precibus S. Gregorii papae ab inferni suppliciis liberatos, quae narrationes falsae esse videntur & fabulis similiores, quam historiae.
Sed fieri potest, ut sanctus Ioannes Damascenus, quamuis alioqui doctus & prudens, istis narrationibus facile fidem habuerit, neque de veritate earum inuestiganda sollicitus fuerit.
[215.]
De S. Bonifacio Moguntino – 740
Sanctus Bonifacius natione Anglus archiepiscopus Moguntinus & martyr, vixit temporibus Gregorii II & III & Zachariae pontificum Romanorum & obiit anno 755.
Scripsit epistolas multas, quae excusae extant anno 1605 Moguntiae.
De eius rebus gestis, vide Card. Baronium tomo 9 Annalium ad annum 755.
[216.]
De Antonio Melissa
Antonius Melissa monachus scripsit libros duos Communium locorum ad virtutes sequendas & vitia fugienda, quos ex Patribus collegit, & quoniam ultimus, quem citat, est sanctus Ioannes Damascenus, ideo hoc loco eum posuimus cum veram aetatem eius ignoraremus.
Extant hi libri in Bibliotheca sanctorum Patrum tomo quinto editionis secundae.
Sed caute legendi sunt, quoniam ab haereticis Latinitate donati & impressi sunt.
Vide obseruationes Iacobi Billii additas ad epistolas Isidori Pelusiotae & Frontonis Ducaei notas & indicem expurgatorium Romae impressum anno 1607.
[217.]
De Hadriano papa primo – 772
Hadrianus papa primus sedere coepit in apostolica sede, anno Domini 772, Constantino Copronymo haeretico imperante & sedit annis viginti quatuor, minus uno mense cum dimidio, usque ad annum Domini 795.
Vir fuit sanctus & eruditus & praeter epistolas multas, quae extant partim in septima synodo Act. 2 partim inter epistolas pontificias, scripsit insignem librum Pro defensione septimae synodi & responsionem ad librum missum a Carolo rege Francorum ex concilio Francfordiensi qui liber Hadriani papae extat post septimam synodum, in noua edi-
