Ab anno Domini 300 ad 400
p. 93
modicam praestare possunt legentibus utilitatem.
Ipse tamen reprehenditur, ut Origenista, a S. Hieronymo in epistola ad Ctesiphontenm, & a S. Epiphanio in epistola ad Ioannem Hierosolymitanum, quae extat in secundo tomo S. Hieronymi.
Extat etiam Dialogus quidam sub nomine Palladii in tomo primo operum S. Ioannis Chrysostomi, editionis Parisiensis.
[119.]
De S. Gaudentio Brixiensi – 390
Sanctus Gaudentius successor Philastrii in episcopatu Brixiae, scripsit utilissimos tractatus de variis argumentis, qui extant in tomo 2 Bibliothecae S. Patrum editionis 2.
De dedicatione Basilicae, tratatus unus.
De Pascha in exodum, 7.
De lectione Euangelii, 2.
De exodo iterum, 1.
De Paralytico, 1.
In illud: »Nunc iudicium est mundi«, 1.
De promissione Paracleti, 1.
De Machabaeis martyribus, 1.
De Villico iniquitatis ad Germinium, 1.
In illud: »Pater maior me est«, 1.
[120.]
De Aurelio Prudentio – 390
Aurelius Prudentius poeta christianus floruit sub Theodosio seniore & filiis eius.
Scripsit egregia carmina Psychomachiam de pugna fidei & idololatriae, pudicitiae & libidinis, patientiae & irae, superbiae & humilitatis, luxuriae & sobrietatis, auaritiae & largitatis, concordiae & discordiae.
Scripsit librum Cathemerinon, id est rerum diuinarum, in que continentur hymni a matutino ad vespertinum.
Scripsit librum Peristephanon, id est de coronis, in quo sunt laudes multorum martyrum: S. Laurentii, S. Vincentii, S. Eulaliae, SS. Petri & Pauli, S. Agnetis, S. Cypriani, S. Cassiani & aliorum.
Scripsit Apotheosim, idest de diuinitate, ubi sunt hymni in infideles, in haereticos Sabellianos, in Iudaeos, item de natura animae & de resurrectione carnis.
Scripsit Amartingenia, id est de origine peccatorum, contra Marcionem.
Scripsit libros duos Contra Symmachum.
