Page:De scriptoribus ecclesiasticis liber unus (1613).pdf/101

From GATE
This page has not been proofread



Ab anno Domini 300 ad 400

p. 83



Quinta obseruatio:
Haeretici, qui peregrinationes ad loca sancta reprehendunt, nituntur maxime oratione quadam valde prolixa sancti Gregorii Nysseni, quam totam referunt Magdeburgenses centuria quarta cap. 10. Sed eam orationem non inuenimus hactenus inter opera S. Gregorii Nysseni. Neque argumenta, quae inde colligunt haeretici, aliquid probant, ut nos aperte ostendimus Controuersiis libro 3 [De Sanctis] cap. 8.


De Amphilochio – (380)

Amphilochius Iconii Episcopus S. Gregorii aequalis, quem S. Hieronymus in epistola ad Magnum, parem doctrina sacra & prophana facere videtur Basilio & Gregorio Nazianzeno, cum de his tribus viris dicit, non favile iudicari posse, quid in illis primum admirari debeas, eruditionem seculi, an scientiam scripturarum.
Scripsit librum de Spiritu sancto & homilias non paucas: de priore libro testis est snactus Hieronymus in lib. de Script. Eccl. De homiliis testis est Theodoretus, qui eas in dialogis frequenter citat.
An hoc tempore extent liber de Spiritu sancto & homiliae, quas Theodoretus citat, equidem certo scite non potui.
Extat quidem sub nomine Amphilochii vita S. Basilii Magni, sed haud dubio falsa, vel supposititia. Primum enim narrat ille auctor Basilium factum episcopum ante mortem Iuliani. Quod repugnat historiis, & ipsi S. Gregorio Nazianzeno in oratione de S. Basilio. Deinde narrat auctor, sanctum Basilium ostensum fuisse per reuelationem Eusebio Caesariensi, cum antea eum non nosset. Quod etiam falsum esse certum est, ex eo, quod Nazianzenus scribit, Eusebium cum Basilo de episcopatu contendisse & ea de causa inimicum Basilio factum. Tertio constat, sanctum Basilium obiisse anno ultimo Valentis Imper. & octo annis episcopatum administrasse; ex Gregorio Nazianzeno & aliis proinde episcopum factum anno sexto Valentis: at iuxta supposititium Amphilochium, Basilius, vel sedisset anni quindecim, vel ante mortuus esset, quam episcopus fieret, si viuente Iuliano iam episcopus erat.
Omitt􏰁o multa alia, quae perperam narrantur in lla vita tum de Libanio, tum de aliis.


De S. Hieronymo – (390)

Sanctus Hieronymus presbyter & Ecclesiae doctor floruit anno quartodecimo Theodosii, ut ipse de se testatur in libro de Script.