Page:Bellarmino-Index haereticorum.pdf/6

From GATE
Revision as of 15:59, 14 February 2020 by ArchivesPUG (talk | contribs) (Proofread)
(diff) ← Older revision | Latest revision (diff) | Newer revision → (diff)
This page has been proofread


4° Consecrabat alteram partem Eucharistiae in sola aqua. 5° Tres simul uxores concedebat: Epiphanius Haeres. 30. 6° Ab animatis abstinebat: Epiphanius ibidem. 7° Apostolum Paulum apostatam esse legis et eius epistolas reiciendas: Irenaeus lib. 1 cap. 26, Epiphanius Haeres. 30.

14 Nazarei,

100


Cherinthi et Ebionis tempore extiterunt Epiphanius | Haeres. 29.

315r


Docuerunt haec:
1° Fidem in Christum sine operibus legis non sufficere: Epiphanius ibid., Augustinus Haeres. 9.
2° Libros, qui inscribuntur Moisi, non esse eius, sed fictitios, Epiphanius ibidem.
3° Nutriendam esse comam et in eo perfectionem iustitiae consistere, Philaster.


centuria secunda

Anno Domini


15 Sacramentarii

100


tempore Sancti Ignatii videntur incepisse. Dicebant enim tunc aliqui Eucharistiam non esse carnem Christi: Ignatius ad [Smyrn. 7], Theodoretus Dialog. 3 circa medium. Idem hoc tempore Zwingliani et Calvinistae.


16 Chiliastae seu Millenarii

120


docent mille annos post resurrectionem regnaturos sanctos cum Christo in terris. Coepit hic error tempore Cherinthi, qui fuit eius primus auctor, ut supra expositum est: tamen postea velut proprium hunc errorem docuit Papias, Sancti Ioannis discipulus et Polycarpi condiscipulus, [Eusebius] lib. 3 cap. 39. Rursum eundem sequi videntur Irenaeus nepos Lactantii, et alii, ut ex Hieronymo De vir. illustrib. collegi potest, necnon Eusebio lib. 7 cap. 24 Histor. et Nicephoro lib. 6 cap. 21, et aliis.


17 Gnostici

120


id est scientes se appellarunt, sed ab aliis [blanco], id est caenosi appellati sunt. Eorum auctorem Irenaeus lib. 1 cap. 24 et Eusebius lib. 4 Haeres. 4 faciunt Carpocratem, Epiphanius Haeres. 26 et Augustinus Haeres. 6 Nicolaum: Hieronymus De viris illustr. Valentinum. Fortassis Nicolaus plantavit, Carpocrates rigavit et Valentinus incrementum dedit.
Hi errores eorum sunt:
1° Animam esse de Dei substantia: Augustinus Haeres. 6.

This page contains the following annotations: