Page:AKC 1665 05 16 563-078.pdf/1

From GATE
Revision as of 08:19, 25 March 2020 by Paul Oberholzer (talk | contribs)
This page has not been proofread

Rde in Chro P.
PC.
Quis ante annum ad pontem Milvium, ubi valedixi RVa, mihi dixisset, Europa
non me excessurum nisi in Maio currente huius anni? Mirae humanarum rerum
varietates tandem me ad ultimos Semgallos excurrere coegerunt et inde redire
Viennam: Semgallia vel potius ZemGallen Lingua Curlanica, Terrae finis Lati-
nis est. Per illum scilicet terrae limitem et finem in Moscoviam penetrare cum cogita-
rem et iam felici cursu pergerem ecce redire cogor ob causam quam minime
mihi imaginabar nempe ob Polonorum excursiones intra Moscoviam; hi enim cum
rapto vivant, utpote liberi, sine regio stipendio, et fere ad 20000 numerum
se extendant; nec patenter Regius curant nec ulli obvio parcunt.
Ecce ergo venerande Pater cum ex Indiis iam salutare potuissem RVa, ei Vienna
ultimum Vale dico discessurus propediem cum Legato Caesareo Constantinopolim
versus.
Quod maxime in hoc meo itinere Livoniam versus mirabar fuit, inter Borea-
lia frigora et productas noctes florere ubique nomen RVae ubicunque enim me
et socios Jesuitas esse resciebant primum circa RaVa nobis interrogationem mane-
bant, an nimirum se quomodo RVa valeat, addebant laudes quas scio ingra-
tas quidem RVa, mihi tamen singulari solatio erant ob tantam Dei gloriam et
Soctis nostrae commendationem quam inter varias nationes etiam acatholicas
Doctrina RVae adeo mire promovet et in omnes etiam indignos RVae fratres mei simi-
les derivat. Optimus Deus RVa conservet pluribus annis incolumem, et non
ferat aegre se ab isto vagabundo inutili terrae pondere in suis studiis interurbatam.
Vale igitur decus Societatis nostrae, tuique Henrici indignissimi memor ei identidem
precare bene, exuti et peregrino super terram, donec nos Deus in optima patria
coniungat. Vale vive in aeuum. Viennae 16 May 1665
Salutat et Indice veneratur RVa
Josephus Indus et Matthaeus China.

RVae servus in Chro
Henricus Roth SJ
---page break---