Page:AKC 1664 09 22 563-127.pdf/1

From GATE
The printable version is no longer supported and may have rendering errors. Please update your browser bookmarks and please use the default browser print function instead.
This page has been proofread

Vir Reverende & Clariss.e,

Tabula Isiaca, de qua quæris, eadem omnino est, quæ Bembi Cardinalis primum,
dein Ducis Mantuani olim fuit, & ab Ænea Viro Parmensi 1559 edita, a te
recusa, & Œdipo Ægyptiaco inserta est, de qua bene memini te scripsisse, q.
in hunc usq. diem, quid eâ factum sit, sciri non potuerit, postquam in Man-
tuæ direptione evanuit. Optime conservata est, ut singulæ figuræ æque integræ
conspiciantur, atq. in Vici exemplo, sed marginem occupantibus ad rectos
angulos deorsum reflexis. Delituerat ea hactenus inter aulæ reiicula,
ærugine & squalore obducta, protracta in lucem a Bartolomæo Torinio
Medico & Mathematico, Iuvene ingeniosissimo, qui mihi in Bibliotheca Du-
cis eam monstravit, a se paulo ante repurgatam, & agnitam sub pri-
mum, ni fallor, ver hujus anni. Mensa parallelepipedi figuram habet, lon-
gior est, quam latior. Musivo opere lamellas candore suo argentum æmulantes & æri commissas repræsentat.

Habes hic, Vir Rever., quibus Oedipum tuum augere poteris. Qud si accu-
ratiorem descriptionem desideras, Cl. Torinius facile tibi submittet. Ego vehe-
menter gaudeo, me primum fuisse, q. tibi hoc indicaverit.

Ficus Sardiniæ Febriferas an videris, oblitus es significare. Ego denuo insto, & simul,
Utium T. Livius Barattinus aliq.d ediderit, & an adhuc vivat, scire cupio; item, an
figuræ illæ Brachmanum, quas Tomo 3 Oed. Æg. exhibes, ex Ducis Casii Codice
omnes excerptæ sint, an v. inter eas Patri Antonio Cerchio q.dam debeant.,
& quænam, ut singuls queam distinguere & in typi ear. & adhuc Romæ sint. Si Servieri Museum Lugduni non
vidisti, quæ præcipua ibi observaverim, tecum communicabo. Vale Vir Rev.
& Clariss., & me amare perge. Ex Thermis Balezucanis prope Monspelium.
22 Sept. 1664.
Tuus omni cultu
Comes itineris officiosistam salutem tibi remittit.
Martinus Fogelius.