Page:AKC 1655 07 31 567-137.pdf/2

From GATE
Revision as of 13:58, 6 May 2020 by ArchivesPUG (talk | contribs) (→‎top: added Template:TurnPage, replaced: <references/> → <references/> {{TurnPage}})
(diff) ← Older revision | Latest revision (diff) | Newer revision → (diff)
This page has not been proofread


Ad hæc nescio an Ullum a RV. acceperim responsum, certé ad manus meas
non pervenit nec perveniet, hoc quippe anno Litteræ omnes quæ ex Europa
advenerant fecere naufragium. quare idem iterum peto a RV. ut hunc
quem susceperit laborem dignetur renovare.

Postulavit denique amicus quidam meus cui quæ de unguento armario
et vitrioli curatione remedio seu medendi modo in Europa agitabantur
enarravi, ut unguenti Armarii confectionem et applicationem que me
latet a RV ediscerem ac insuper vitriolo medendi modum: quod facio
modo, enixe postulans ut hunc pro me laborem libens suscipiat
et pariter me quem potuero libenter pro VR suscepturum
promitto, et quacumque in re potuero inservire non cunctanter
executurum. Si quid præterea in mathematicis (quorum RVam
ut oraculis veneror) novi repertum audiam perlibenter.

Chilensis regni stragem ab indis rebellibus factam iam VR
noverit, vix eam effugit discipulus VR.æ Nicolaus Mascardus; qui non levi
periculo ex quodam municipio ad Conceptionis urbem evasit.
duo acciderunt memoratu digna. in Araucensi castello suburbiis dirutis
et ab hoste occupatis deficiebat aqua, iamq triduo acri torquebantur
siti. interea hostes quadam Christi imagine et alia B virginis
e domo nostra quæ in suburbiis erat asportatis primum Christi imagi-
nem fustibus et flagellis etiam in lignum crudeles cæciderunt,
deinde virginis deiparæ (et quidem immaculatè conceptæ ut addunt
nonnulli) amputantes caput, hoc lanceis hastisq imposito io
triumphe iam Christianorum deus devictus iacet plenis buccis
concrepantes, caput imaginis deiparæ intra Castellum proiecerunt
superbe addentes: en virgi dei vestri matris caput, de qua tot effutitis
mendacia quot miracula, eia modo vos adiuvet et aquam subministret
dictu mirum, illicò ex eodem quo caput decidit loco, fons amænus
prorupit, quo non modo acris obsessorum sitis verum etiam ignis
bis ab hostibus accensus in Castelli ligneo munimento, extinctus est

Eodem tempore et loco Alba quædam columba ter castrum cir-
cuire visa quotidie cum in tota illa prov.a nulla habeatur nec unquas


---page break---

Ad hæc nescio an ullum a Reverentia Vestra acceperim responsum, certé ad manus meas non pervenit nec perveniet, hoc quippe anno Litteræ omnes quæ ex Europa advenerant fecere naufragium. Quare idem iterum peto a Reverentia Vestra ut hunc quem susceperit laborem dignetur renovare.

Postulavit denique amicus quidam meus cui quæ de unguento armario et vitrioli remedio seu medendi modo in Europa agitabantur enarravi, ut unguenti Armarii confectionem et applicationem quæ me latet a Reverentia Vestra ediscerem ac insuper vitriolo medendi modum: quod facio modo, enixe postulans ut hunc pro me laborem libens suscipiat et pariter me quem potuero libenter pro Vestra Reverenta suscepturum promitto, et quacumque in re potuero inservire non cunctanter executurum. Si quid præterea in mathematicis (quorum Reverentiam Vestram ut oraculis veneror) novi repertum audiam perlibenter.

Chilensis regni stragem ab indis rebellibus factam iam Vestra Reverentia noverit, vix eam effugit discipulus Vestræ Reverentiæ Nicolaus Mascardus; qui non levi periculo ex quodam municipio ad Conceptionis urbem evasit. Duo acciderunt memoratu digna. In Araucensi castello suburbiis dirutis et ab hoste occupatis deficiebat aqua, iamque triduo acri torquebantur siti. Interea hostes quadam Christi imagine et alia Beatæ Virginis e domo nostra quæ in suburbiis erat asportatis primum Christi imaginem fustibus et flagellis etiam in lignum crudeles cæciderunt, deinde Virginis Deiparæ (et quidem Immaculatè Conceptæ ut addunt nonnulli) amputantes caput, hoc lanceis hastisque imposito io triumphe iam Christianorum Deus devictus iacet plenis buccis concrepantes, caput imaginis Deiparæ intra Castellum proiecerunt superbe addentes: en Dei vestri matris caput, de qua tot effutitis mendacia quot miracula, eia modo vos adiuvet et aquam subministret dictu mirum, illicò ex eodem quo caput decidit loco, fons amænus prorupit, quo non modo acris obsessorum sitis verum etiam ignis bis ab hostibus accensus in Castelli ligneo munimento, extinctus est.

Eodem tempore et loco alba quædam columba ter castrum circuire visa quotidie cum in tota illa provincia nulla habeatur nec unquas


---page break---