Page:AKC 1655 07 31 567-137.pdf/1

From GATE
Revision as of 13:23, 16 September 2020 by Carolina Vaz de Carvalho (talk | contribs)
(diff) ← Older revision | Latest revision (diff) | Newer revision → (diff)
This page has not been proofread


+
Reverende in Christo Pater
Pax Christi

Anno proxime elapso scripseram ad RV ex hoc peruano orbis angulo
certiorem faciens rerum quarumdam indicarum ac primum quidem
cuiusdam Cometæ sub finem anni 1652 per totam hanc australem
Americam visi, unde (omissis observationibus quas habui) nullam
habere paralaxim et in Europa etiam visum existimo. ortum habuit
circa argona vim et prope Andromedam disparuit intra 15 dies. de quo
Latius tunc. similiter retuli et effigiem misi cuiusdam apparitio-
nis in aere circa solem que prope pazensem urbem visa fuit
ac insuper consului RV circa litteras latinas que reperiuntur
exaratæ in statua perantiqua et miraculis insigni que in Canariæ
Tenerifa insula reperitur, et antequam insula ab hispanis hæc ab
insulensibus imago in littore inventa. itidem circa alios carac=
teres repertos in quadam cruce circa novæ Zemblæ littus quæ habetur in itinerario belgico Joannis hugonis linschotani quæ folio 18 in
delineatione geographica. insuper et hosce qui
habentur in historia Peruana Augustinianorum
idiomate hispano per R.P.F. Antonium dela Calancha
Lib. 2.C.3. descripta ex lapide perantiquo in pago
Calango prope limam ab etnicis olim in honore habitus
et dicuntur esse a D. Thoma Apostolo exaratæ. tres circuli
qui habentur infra lineam et prope characterem anchoræ speciem
referentem exarati dicuntur ab ipsis indis, eo quod Indus quidam
hoc super lapide peccante cum scorto fulmine ictus sit eodem loco
et in rei memoriam appositum aiunt hoc signum cætera ab Europæo
quodam S.to qui nobis et colore et barba similis erat.

---page break---

+

Reverende in Christo Pater

Pax Christi

Anno proxime elapso scripseram ad Reverentiam Vestram ex hoc Peruano orbis angulo certiorem faciens rerum quarumdam indicarum ac primum quidem cuiusdam Cometæ sub finem anni 1652 per totam hanc Australem Americam visi, unde (omissis observationibus quas habui) nullam habere paralaxim et in Europa etiam visum existimo. Ortum habuit circa Argonavim et prope Andromedam disparuit intra 15 dies. De quo Latius tunc similiter retuli et effigiem misi cuiusdam apparitionis in aere circa solem que prope Pazensem urbem visa fuit. Ac insuper consului Reverentiam Vestram circa litteras latinas que reperiuntur exaratæ in statua perantiqua et miraculis insigni que in Canariæ Tenerifa insula reperitur, et antequam insula ab Hispanis hæc ab insulensibus imago in littore inventa. Itidem circa alios caracteres repertos in quadam cruce circa Novæ Zemblæ littus quæ habetur in itinerario belgico Joannis Hugonis Linschotani folio 18 in delineatione geographica. Insuper et hosce qui habentur in [[Work::Coronica moralizada del Orden de San Augustin en el Peru [...]|historia Peruana Augustinianorum]] idiomate hispano per Reverendum Patrem Fratrem Antonium dela Calancha libro 2, capite 3 descripta ex lapide perantiquo in pago Calango prope Limam ab etnicis olim in honore habitus et dicuntur esse a Divo Thoma Apostolo exaratæ. Tres circuli qui habentur infra lineam et prope characterem anchoræ speciem referentem exarati dicuntur ab ipsis Indis, eo quod Indus quidam hoc super lapide peccans cum scorto fulmine ictus sit eodem loco et in rei memoriam appositum aiunt hoc signum cætera ab Europæo quodam Sancto qui nobis et colore et barba similis erat.


---page break---