Page:AKC 1653 07 20 567-135.pdf/3

From GATE
The printable version is no longer supported and may have rendering errors. Please update your browser bookmarks and please use the default browser print function instead.
This page has not been proofread


+

His addo spectaculum quoddam in aere visum 28 novembris
anni 1652 in urbe pazensi vulgo chuquiabo hora 9 et 12 matutina
quod plerosq illius urbis et adiacentium villarum habitatores
exterruit. Sol nimirum, albi coloris lancea, traiectus et 5 circulis
rubri coloris cinctus ut figura demonstrat. luna prope ipsum
solem spectabatur cum integro signo abesset secundum cursum ordinarium et ex ipso solari corpore aut prorsus circa illum
visa exire stella et postea iterum ad locum suum prope solem
redire. varii insuper videbantur circa solem flammarum
vortices quorum maximus ex rupe ilimani quæ urbi pazensi
imminet erumpere videbatur. per horam integram duravit
hoc spectaculum. insequenti deinde mense decembri, 15 die
apparuit ibidem Cometa geminus qui ab altero latere descriptus
est in eadem carta, decussatis caudis, et tertio perexiguo
ex altero duorum promicante ut ex figura patet.

Idem cometa quamvis non eadem figura visus est eodem
tempore in chilensi provincia, limæ, chuiquisacæ, potosi, oruro
et a me observatus Cusci, apparuit 15 decembris et ultimo
eiusdem mensis die evanuit. ortus dicitur prope argonavim
primis enim diebus aliis intentus nec eundem spectavi nec ortum
scivi. Sed 20 decembris eundem vidi prope stellam 1.9 mag. quæ est in pede
orionis. qui deinde per eius clypeum, deinde iuxta tauri oculum ad
pleiades declinans et vix unius geometrici pedis distantia ab iis
deflectens, ad septentrionem transiens inter pedem Medusæ et caput
persei circa Cassiopæam evanuit omnino ultimo decembris.
primò illủm caudatủm Cusci et alibi spectarunt, sed tantum primis
8 diebus postea enim paulatim cauda evanuit, ego illum spectavi
semper instar stellæ nebulosæ quæ est in Cancro; omnia circumcirca
nebulosa luce illustrantem ad duos palmos hispanicos seu pedem pæne

geometricum. præter hæc paucarcollæ (indorum pagus est prope lacum

His addo spectaculum quoddam in aere visum 28 novembris anni 1652 in urbe Pazensi vulgo Chuquiabo hora 9 et 12 matutina quod plerosque illius urbis et adiacentium villarum habitatores exterruit. Sol nimirum, albi coloris lancea, traiectus et 5 circulis rubri coloris cinctus ut figura demonstrat. Luna prope ipsum solem spectabatur cum integro signo abesset secundum cursum ordinarium et ex ipso solari corpore aut prorsus circa illum visa exire stella et postea iterum ad locum suum prope solem redire. Varii insuper videbantur circa solem flammarum vortices quorum maximus ex rupe Ilimani quæ urbi Pazensi imminet erumpere videbatur. Per horam integram duravit hoc spectaculum. Insequenti deinde mense decembri, 15 die apparuit ibidem Cometa geminus qui ab altero latere descriptus est in eadem carta, decussatis caudis, et tertio perexiguo ex altero duorum promicante ut ex figura patet.

Idem cometa quamvis non eadem figura visus est eodem tempore in Chilensi provincia, Limæ, Chuiquisacæ, Potosi, Oruro et a me observatus Cusci, apparuit 15 decembris et ultimo eiusdem mensis die evanuit. Ortus dicitur prope Argonavim primis enim diebus aliis intentus nec eundem spectavi nec ortum scivi. Sed 20 decembris eundem vidi prope stellam 1.9 magnitudinis quæ est in pede Orionis. Qui deinde per eius clypeum, deinde iuxta Tauri oculum ad Pleiades declinans et vix unius geometrici pedis distantia ab iis deflectens, ad Septentrionem transiens inter pedem Medusæ et caput Persei circa Cassiopæam evanuit omnino ultimo decembris. Primò illum caudatum Cusci et alibi spectarunt, sed tantum primis 8 diebus postea enim paulatim cauda evanuit, ego illum spectavi semper instar stellæ nebulosæ quæ est in Cancro; omnia circumcirca nebulosa luce illustrantem ad duos palmos hispanicos seu pedem pæne geometricum. Præter hæc Paucarcollæ (indorum pagus est prope lacum


---page break---