AKC 1659 APUG 561 288

From GATE

Reverendo in Christo Pater, Pax Christi

Ante aliquot septimanas significavi Reverentiae Vostrae quid actum sit a me de libris ad Illustrissimum Abbatem Fuldensem missis,et de alijs a me vendendis. Nunc addo sequentia. Ante aliquot dies dictum Illustrissimus Abbas dedit ad me humanissimas litteras, quibus me invitat sub vacationes autumnalis ad se, ut discurrat mecum de rebus in Reverentiae Vostrae libris contentis. Idem petivit oretenus postea a Reverendo Pater Rectore nostro Pater Cornaeo, cum negotiorum causa Fuldam venisset. Addidit se accepisse libros Reverentae Vestrae et velle mittere remunerationem. Itaque patientiam habebit Reverentia Vostra usque ad autumnum,quando cum DEI gratia, et Reverendi Patris Rectoris bona licentia, quam iam concessit, dictum Abbatem Illustrissimum accedam, nullus enim dubito quin bonum honorarium pro Reverentia Vestra sim accepturus; quod statim ad vos per cambiales a Patre Antonio acceptas mittam Cursus meus Mathematicus (DEO sint infinitae laudes, et gratiarum actiones) properat ad finem, speroque intra 5 aut 6 menses eum absolvem. Quo absoluto resumam Commentaria in Itineraria Reverentiae Vestrae. Interim se quae submittet quae necessaria aut utilia fore iudicavererit, acceptabo cum gratiarum actione. Unum peto a Reverentia Vestra quod Cursui meo Mathematico omamentum et pretium addet non exiguum ut mittat ad me Epistolam Paraeneticam, scribendo ut difficultates omnes abrunpam, et Rempublicam litterariam studio aggrediar opus, et in illo pergam, adductis rationibus etc. Intentio mea est, unico non magno tomo comprehendere omnium Mathematicorum Disciplinarum Encyclopaediam absolutissuimam, eo dispositam ordine, ea verborum ac sententiarum conscriptam claritate, ut quivis vel mediocri praeditus ingenio, a primis Matheseos fundamentis ad apicem, Marte ac studio proprio conscendere possit. Hoc ut obtineam, adnitor omnibus viribus. Maiorem difficultatem non habeo, quam ut paucis multa comprehendum; ut dicam omniam, et plurima omittam . Mallem scribere decem tomos laxando stylum, quam unum tomum restringendo.

Gaudeo vehementer libros Reverentiae Vestrae Lugduni in Gallia imprimi inposterum incipio sentire difficultatem circa impressionem meorum librorum. Mortui sunt intra unum annum hic duo Typographi, et superest unus, qui non potest imprimere meo. Francofurti vitiosissime imprimuntur. Cogar mitterein Belgium, sed timeo errores. Hisce sanctissimis Reverentiae Vestrae sacrificiis me commendo. Herbipoli 20 Julij 1659

Servus in Christo Casparus Schott