Page:Prodromus coptus sive aegyptiacus (1636).djvu/219

From GATE
There was a problem when proofreading this page


. LIber quartus Mosis Prophetae, ille liber Numerorum.
Quintus liber Mosis Prophetae, liber est Deuteronomii. Descripta verò fuerunt hi 3 Tomi anno Copto 1115. opera cuiusdam Gabrielis filis Phanus, sic enim in fine libri habetur.

Descripsit autem hoc opus vigesimo tertio mensis Megori benedicti, anno 1115. SS. Martyrum; det nobis Deus de benedictionibus eorum.
Est porrò Pentateuchus hic prae reliquis singulari cura scriptus; et accuratissima partitione in suas lectiones, et versus distinctus, qua scribendi ratione, omnibus aliis palmam praecipere videntur. Dictiones Legis, aliorumque scriptorum separant Coptitae lineola, non solo spacio, ut Iudaei, caeteraeque nationes. etsi in incisis membris et periodis vix ullam distinctionis, ut paulò ante dictum est, habeant rationem: tenent tamen nonullas alias notas, quibus cum sensus distinctione animi affectus exprimunt, veluti oppositionis, interiectionis, protractionis, interrogationis, obsecrationis, indignationis. Distingnunt