Page:EBC s.d. 2263.pdf/2

ingenio, eruditione, et modestia. In Philosophia Toletus, qui eruditionis ergo Theologicae postea donatus est purpura. Pereira eleganti prorsus ingenio. Accessit Acosta nihilo aliis inferior. Artem oratoriam Perpinianus tradebat, ex cujus ore melle dulcior fluebat oratio, eloquentiae laude cum primis nostrae aetatis comparandus, neque antiquis absimilis. Mathesim Clavius ex suis libris satis notus, et nobilis. Hebraicas litteras Baptista Romanus inter suae gentis spinas rosa odorata, et suavis moribus magis quam facie. Graecas Stephanus domo Valentinus. Eorum et temporum, et virorum saepe recordatio recurrit, eaque reficitur animus. Sed et eorum adolescentum, qui supra ducentos ex variis nationibus, una nobiscum vivebant,subit animum cum voluptate cogitatio. In eo numero Gagliardi tres, totidem Sardi: quibus se quartum postea adjunxit eorum pater nobilis in Sicilia medicus. Lucas Pinellus, Jacobus Crucius, Bernardinus Castorius, alii quorum nomina, exciderunt, haeret animo virtus. Sed certe Ludovicum Odescalcum ipsis gratiarum divinis manibus factum forma, moribus, ingenio,
Eximet è nostro pectore nulla dies.
Rector Collegii Sebastianus Romanus prudens juxta, et modestus. Neque te Jacobe Paeci dubium ingenio, an gratin major, silentio involvo, meorum quondam in litteris prime sodalium, mihi prae caeteris chare. Non Organtinum non ita pridem in Japonia post immensos labores extinctum. Non Maldonatum, quamvis exiguo tempore in Romanorum professorum numero; sed collega deinde noster Lutetiae, nostrae nationis, et ordinis decus. In tanto numero nulli redditus erant, nulla vectigalia. Miraculi instar tot tunc juvenes ali potuisse. Victus proinde frugalis erat, et tennis. Docendi labor improbus, caeium nobis praesertim externis grave. Ita fractae in limine vires nostrae sunt. Tredecim i tamen annis in Italia, Sicilia, et Gallia confectis, in Hispaniam ne cessario redii, si nativo coelo melius haberem. Neque fefellit spes. Recreata tantisper valetudine voti compos inter varia onera à nostris ab externis imposita, quidquid laboris poteram impendere, quidquid otii mactus eram, ad scribendum contuli, quae inter vos collegeram, ut nosnactum
---page break---

◅▻