Page:EBC 1621 07 20 2437.pdf/3

From GATE
This page has been proofread


paulo post prorsus abstulerunt. Jura patronatuum a patronis maxime spiritualibus ablata, laicis communitatibus addixerunt, qua curatos parochos ad libitum instituunt, deponunt, conducunt bubulcorum instar: antiquos reditus a majoribus, divitibus, nobilibus, baronibus, comitibus, ducibus, imo regibus et imperatoribus fundatos inter se diviserunt ac alienarunt.
Quam crudeliter nobilissimae vallis Tellinae populus ecclesiasticis bonis et juribus privatus sit, in exercitio fidei Catholicae ac pietatis impeditus, inhumanius quam ullus in orbe populus tractatus sit, ipse dicet: dicet etiam Ill.mus et R.mus eorum ordinarius, episcopus Comensis, cujus jurisdictionem non minus quam meam impie violarunt, plus violaturi, si nobilissima vallis Tellina haereticis restitueretur. [Ut brevis sim, episcopus Curienses omnibus juribus, privilegiis, bonis, universa demum jurisdictione spoliarunt, quosdam vinculis, quosdam exilio mulctarunt, unus jam morti destinatus aufugit, alius triginta annos exulavit, alii alias passi sunt persecutiones. R.mus abbas S.ti Lucii prope civitatem Curiensem eo quod Ill.mo ac R.mo D. Joanni Angelo S.R.E. cardinali, qui pontificatum adeptus et Pius IV vocatus, suam opem promisisset, fuit aperte non sine magno contemptu tam summi Pontificie quam omnium Ill.morum ac R.morum D.D. cardinalium decollatus. D. Nicolaus Venusta, praepositus Curiensis vicarius generalis, captus incarceratus; D. Vincentius Quadrius, juris utriusque doctor canonicus, equuleo tortus mulctatus; Ill.mus D. Bely, serenissimi archiducis Austriaci consiliarius, capite plexus; D. Baseliga pariter occisus; R.D. Augustinus Wendelfanus,canonicus Curiensis citatus, mulctatus; aliique multi catholici dire vexati mulctati sunt.
Anno 1607 praedicantes cum sequacibus majori me meosque canonicos odio prosequentes e suggesto me praecipitare, capere,occidere statuerunt, tandem in exilium egerunt. - Anno 1615 institutiones Calvinianae per vallem Tellinam et vicina Italiae loca venales distraxerunt. - Tandem in extremam acti rabiem, inaudito furore perciti, seditione
---page break---