Page:EBC 1620 2179.pdf/2

From GATE
This page has been proofread


praesertim viros magnos sive Principatu politico, sive sacro; non enim continet libar hic meus artem philosophicam, vel oratoriam, vel poeticam, quae mentem doceat, vel linguam expoliat, vel aures delectet, sed hortatur ad meditationem mortis, et ad ea saepe cogitanda, quae viris magnis piacere plerumque non solenti qualia sunt paupertas, humilitas, patientia, et aliae christianae verissimaeque virtutes. Elegi ergo Te, virum Principem Principatu politico et sacro; et fretus humanitate tua singulari, dicavi Tibi libros de arte bene moriendi, libros exiguae eruditionis, sed magnae utilitatis; et fretus benignitate tua spem bonam concepi, et abs Te facile legendos libros non prolixos, et ad imitationem tuam non defuturos, qui ad ipsum agant. Erit id mihi res piane gratissima; nec me arbitrabor Tibi munusculum obtulisse, sed abs te munus amplissimum accepisse. Vale.