Page:EBC 1618 06 27 2014.pdf/2

From GATE
This page has been proofread


0 quam fecissem Ecclesiae rem utilem si tantum per suam Sanctitatem libere inscriptio catholicis permittatur! Videre et examinare dignetur.
Alterum est. Variae contra Vicarium Hollandiae difficultates et conspirationes; nullam cum Vicario vel eius subditis Societas iam habet controversiam aut difficultatem. Quod si breve aliquod Apostolicum obtineret, et hanc coronae suae in coelo adderei gemmam, et hanc residentiae Hollandicae impetraret benedictionem. 1°. Ut sua Sanctitas mandet, ut iis in locis in quibus nunc Societas facultatem habet administrandi sacramenta pastoralia, in iisdem locis post mortem alicuius vel post revocationem a Superiore, eadem facultas dari debeat suocedentibus quae nunc data est praesentibus. 2°.Ut duo possint esse in eodem loco, licet alter eorum tantum habeat facultatem administrandi sacramenta pastoralia. 3°. Ut absentis vices alius possit semper supplere.
Perpendere, quaeso, dignetur Ill.ma D. V.a quid petatur, et pro quibus petatur, et ad cuius gloriam petatur. Quid hic non aequum, quid hic non rectum? Sperarem ut si hac occasione cum Ill.mo Cardinali Millino agere dignetur apud Suam Sanctitatem: sperarem praeclarum Societato nostrae et Ecclesiae huic in Hollandia, ponendum monumentum. Sic peto, sic supplico, sic voveo, qpud eum qui Ill.mae D. V.rae gemitus columbinos et lacrymas Ignatianas aliquando absterget, quoniam absterget omnem lacrymam ab oculis sanctorum. Sacras manus exosculans, me sanctis Ill.mae D. V.rae sacrificiis commendo. 1618. 27. Junii. Lugduno Batavorum.
Ill.mae ac Rev.mae D. V.rae
Servus in Christo
Marcus Van den Tympel