Page:EBC 1617 09 01 1900.pdf/2

From GATE
This page has been proofread


arcana suae conscientiae aperiunt, ut ab iis non sit sperandum quod Inquisitor palam sua evulgent, nec Inquisitor sermonem ab illis male prolatum videtur percepturus. [Sed quorsum haeo ego Ill.mae V.ae Dominationi? ut intelligat quantum beneficium et mihi quantam gratiam contulerit illorum necessitati consulendo et meo labori, ne inanis redderetur, favendo; et quam è divino servitio sit quod Sancta Sedes Apostolica providerit ut non ligata amplius maneant ora boum triturantium, sed sub mitiori christianae servitutis iugo liberè possint pabulum spirituale degustare, quod et faciunt cum multa animarum suarum consolatione et levius ferunt servitutem, dum se in libertatem filiorum Dei vindicata esse agnoscunt. Quod beneficium, post Deum, Dominationi V.ae Ill.mae acoeptum refero, et una cum illis in quorum utilitatem cedit Deum quotidie pro salu te ac felicitate Ill.mae V.ae Dominationis orabo.
Messanae kal. Septembris 1617.
Ill.mae D.nis V.ae
filius ac humillimus in Christo servus
Thomas Berintonus.
(manu Bell.): Questa lettera si conservi per quando bisognasse.