Page:EBC 1616 07 10 1718.pdf/3

dum de nuntio saeculo ac nuptiarum interpellatoribus remittendo serio cogitant, thesaurum castitatis, quem in vasis fictilibus portant, abscondere prudenter quaerunt, ne in manibus illum portantes in conspectu filiorum hominum, latronnm depraedationi objiciant. Hujus Tautem desiderii ratio est, quia in istis regionibus tanta libertate viri viduas, quamvis piissimas, colloquiis et irritamentis saecularibus infestant, ut quae veram viduitatem colere volunt, vix id tuto praestare possint; quibus hac via optime consulitur. Cumque hujusmodi viduae obedientiam et exactam propemodum clausuram observent (vix enim semel bisque quotannis, ad domestica negotia componenda, illis egredi contingit), nihil omnino dispendii, plurimum vero compendii huic consuetudini inesse existimandum est. Immo vero multo minus ea periculum habet, quam quae in plerisque piissimis monasteriis viget, ut sorores conversae, negotiorum gerendorum gratia, egredi et regredi possunt; neque multo plus difficultatis quam illa, quae tamen satis trita est, ut puellae educationis gratia in monasteriis recipiantur. Quid enim interest num puella educationis,vel vidua castitatis gratia, in monasterio degat? Quae omnia maxime vera existimabit, quisquis harum regionum gallicarum mores et ingenia recte? perspexerit. Tertium est, quod non solum viduas hujusmodi, quae se rio saeculo renuntiare intendunt, sed interdum alias etiam conjugatas admittunt, eas scilicet, quae cum velint novam in Christo vitam instituere, atque adeo confessiones,quas vocant generales, praeviis aliquot exercitiis spiritualibus, lacere, opus habent in remotum a saecularibus locum tantisper aliquot diebus secedere. Et sane,quam uberes fructus haec sacra paucorum dierum hospitalitas afferai, nemo satis pro merito dixerit. Per eam enim non quieti tantum, sed et pudori, verecundiae ac honestati mulierum consulitur, dum ad fenestellam craticulis ferreis munitam, pro confessionibus sororum audiendis efformatam confessarios accersunt, ibique documenta salutis audiunt,quae postea per quietem cum aliqua ex sororibus animo revolvunt.
---page break---

◅▻