Clarissime Domine, amice optine. Gaudeo libellum meum ad te pervenisse, et a R.mo Antistite approbatum. Spero unum exempium ad me perventurum ad medium Februarii, quod etiam valde cupio, ut ex tuo exemplo hic Romae recudi possit. Urgent enim me Romani, ut libellum quam citissime typis mandem; sed omnibus satisfacio, cum dico me velle emendatissimum illis tradere, quod fiet, si ex vostro recudatur. Moleste fero, quod Duaci sit editus libellus de Ascensione mentis in Deum, cum id prohibitum sit in vestro privilegio. De concionibus sollicitus non sum, a quo recudantur, modo emendate recudanttur. Intelligam ex Domino Cobellutio, an sit aliqua difficultas, cur Graduale non possit in vestra officina recudi, et si erit, eam superare conabor. Ignosce bravitati literarum, quoniam eo ipso die respondeo, quo literas vestras accepi. Precor a Deo toti familiae tuae omnem prosperitatem. Romae, die 30 Januarii 1616.
Clariss.ae D. tuae
Addictus,et amicus ex corde
Robertus Card.lis Bellarminus
---page break---
(adresse):.Clariss.o D'no D. Balthassari Moreto Typographo Antuerpien. Amico car.mo. Antuerpiam.
Page:EBC 1616 01 30 1669.pdf/1
From GATE
This page has been proofread
