Ill.me et Rev.ss.me D.ne obss.me
Litterae ab Ill.ma Dominatione vestra, superiori anno 1614 conscriptae redditae mihi sunt hoc mense Decembris hujus anni 1615 ex quibus quanto affectus sim gaudio, illi potissimum erit perspicuum, qui tertio abhinc anno novit, quanto moerore consternatus fuerim,ex eo quod scirem, quaedam de me ad Ill.mam D.em V.am fuisse delata, quae a veritate non parum deflectebant; aegro enim me animo ferro par erat, apud Ill.am D.V. amantissimum Parentem et Dominum non be ne audire; quod si hoc in meum tantummodo dedecus redundasset, tristitiam utique animi mei perpetuo contegissem silenzio; sed cum cognoscerem in animarum id uvergere perniciem, Ill.mam D.V. non bene de Madurensi[1] Missione sentire, eo modo quo potui per litteras me apud Ill.mam D.V. purgare curavi; sed si quid tristitiae fuit mihi elapso anno, id omne per has litteras cumulatum mihi consolationis impendentes fructum, satis superque sublatum est, et quidem licet pergratum fuerit mihi, Ill.mae D.V. perspicuum fuisse, qua razione me gesserim in Madurensis Missionis negotiis, potiori tamen iure, ex eo sum gavisus quod Archiepiscopi Cranganoris et nostrae Provincialis congregationis multorumque Patrum peritorum virorum de hao re sententiam Ill.ma D.V. a cognoscens, illa quae ex horum sententia licere, et ad hominum conversionem omnino necessaria esse experientia docet, Ill.mae D. V.ae auctoritate perpetuo stabilienda sperem. Caeterum has ego litteras, ex Urbe Cocinensi scribo[2], ad quam quibusdam de causis superiori mense veni, a P. Provinciali vocatus, sed ob id praecipue, quia sperabat idem P. ex Responsione N.P. Generalis res omnes ad Missionem Madurensem spectantes hoc anno ultimo stabiliendas foro, atque adeo quia non nisi praesente me de iis rebus PP. consulere instituebat, huc me venire jussit. Non paucis afflictatus angustiis iter hoc confeci, quas Benignissimus Dominus per hos ipsos ethnicos interdum mitigabat, qui mei misericordia permoti non solum nos recipiebant hospitio, sed quae mihi et duobus meis christianis
---page break---
