Page:EBC 1614 07 16 1450.pdf/1

From GATE
This page has been proofread

Sigismundus Dei gratia Rex Poloniae, magnus Dux Lithianiae, Russiae, Prussiae, Mocoviae, Samogitiae Livoniaeque, et nec non Suevorum, GOttorum Vandalorumque hereditarius Rex. Ill.mo et Rmō in Christo Patri Dnō Roberto S.R.E. Cardinali Bellarmino amico nostro charissimo et honorando salutem et omnem felicitatem.
Ill.me et R.me in Christo pater amice noster charissime et honorande. Ea R.dus in Christo Pater Dominus Joannes Andreas Pruchinchi Episcopus Camenecensis in munere episcopali singulari cum laude obeundo sp ecimina dedit, ut virtutem, et industriam ipsius majori fastigio dignam rati, vacantem hoc tempore Archiepiscopatum Leopoliensem nominatione nostr ad ipsum defendum putaverimus. Petimus itaque per literas nostras à S.D.N. ut et nominatum eum nostrum ad Archiepiscopatum eundem authoritate apostolica transferat, et cum ex episcopatu Camenecensi, quem hucusque obtinuit excursionibus et depraedationibus Tartarorum per triennium proximum infestato vix ullum jam diutius frctum perceperit, et Archiepiscopatus Leopoliensis licet secundum in Senatorio Regni nostri ordine locum obtineat, prim fundatione exiguis admodum, et dignitati illi tuendae, nequaquam suffiencientibus proventibus donatus et instructus sit; expeditione quoque et existimatione sacr gratiam illi facere Abatiae Siecienchoviensis quam hucusque una cum episcopatu Camenecensi possedit, retinendae jus trinuere velit. Ad ea imnia rite, atque ex sententia conficienda si Paternitas quoque vestra apud S.S. diligens studium, et operam suam contulerit, gratum id nobis ecclesiaeque rationibus accomodatum erit, idque ut faciat diligenter a Paternitate vestra postulamus cui mutue vicissim benevolentiae nostrae studia deferimus eamque quam felicissime valere cupimus. Datum Varsaviae die XVI mensis Julii A.D.MDCXIV Regnorum nostrorum Poloniae XXVII Suetiae XXI.
Sigismundus Rex.
---page break---
Ill.mo et R.mo in Chr'o P'ri Dno. Roberto Sac. Rom. Eccl. Cardinali Bell.no amico nostro Chariss.mo et Honor'd.mo.