Page:EBC 1614 03 25 1401.pdf/2

in sua bistorta liquet Meteranus iste hospes ingratus, et civis Lundini inquilinus per plurimos annos, rerum et morum Anglicorum spectator et observator diligens illic haesit, posteaquam autem valde multa, et magna in laudem gentis meae scripserat, subjungit tandem. Gens Anglica dolosa, plenaque dissimulationis aulicae, tum verbis tum moribus, quam illi pro summa prudentia habent. Id autem si verum sit, ad mores Elizabethae suae, cujus erat frequens cantilena: qui nescit dissimulare nescit vivere. En quam belle populares mei sese toti confinxerant.
3. Verum quorsum ego degenerum morum nobilissimae et rectissimae ex sua indole gentis, flebile et erubescendum testimonium a peregrinis mutuem, quum flagitiosissimus libellus moralium locorum communium, Anglica lingua Lundini, nuper edictus aliquibi illi (ne cives metu forte Atheismi Papismum erepetant, quem superstitionis nomine prius subinnuerat) inter caeteras Atheismi praerogativas, disertis verbis (dictu horrendissimum) asserat Atheismum non perturbare Respublicas. Atqui hic talis partus haud evulgatus fuit a pannoso aliquo tenebrione, sed a splendido, et equestri viro, qui num etiam ad sublimiorem gradum evectus, arcano tanto reperto atque edito, dignus forte videatur qui tandem quoque ad summum perveniat. O meam patriam clarissimam, eamque olim castissimam, neque tam versipellium oratorum pigmentisin fucum et fraudem ornatam, quam veris bonis florentissimam in quodnam te praecipitem dedit Barathrum haeresis.
4. Britanniae semper fuit Roma salutaris. Eam a ipso forte Petro (Mose illo Christiano et Regalis Romani sacerdotii fundatore) lustratam Eleutherus et Gregorius Petri successores sanctissime instituerunt. Neque solum a Petri Sede ob simpliciter et revera bona pependit, sed etiam aliqualiter et nomine tenus bona, potentiam civilem, opes et hujusmodi. Ad tempora autem Henrici octavii in fide Ecclesiae romannae permansit. Tali autem dedicatore condemnationis nostrae qualis fuit Henricus ille, gloriamur, sicut de Nerone Christianorum persecutore primo, elegantissime olim dixit, ingens illa veteris Ecclesiae
---page break---

◅▻