Die 14 ianuarii 1613.
Sanctissimus Dominus Noster Paulus papa V, audita relatione mea veridica et sincera, qui nomine Ill.mi et Rev.mi domini Cardinalis Deti viceprotectoris venerabilis Archiconfraternitatis Gonfalonis[1], interfueram die praecedenti congregationi generali eiusdem Archiconfraternitatis, interrogavit quae essent nomina Guardianorum praeteriti anni, et an essent confirmati pro anno praesenti a maiori parte Confraternitatis viva voce; et cognito quod nomina eorum essent, Ill.mus et Rev.mus dominus de Sabellis, et illustres domini Caesar Rodianus, Paulus Millinus et Octavius Hubertus, et quod fuissent confirmati viva voce a malori parte Confraternitatis tum in die Sancti Stephani, tum in die Dominion infra octavam Epiphaniae, idem Sanctissimus dixit se confirmare praedictos dominos pro guardianatu huius praesentis anni, et supplere omnes defectus, si forte intervenissent, et sic velle et statuere, non obstantibus quibuscumque. Addidit quoque idem Sanctissimus, ut occurratur in futurum rumoribus, qui in huiusmodi confirmationibus oriri solent, se velle et statuere ut deinceps, cum agetur de confirmandis Guardianis, id fiat per vota secreta, currente bussola per totem congregationem, et non requiratur ad conclusionem ut omnes consentiant, sed satis sit ut maior pars consentiat, ita ut illi qui maiorem partem suffragiorum secretorum habuerint, intelligantur confirmati.
Ita est. R. cardinalis Bellarminus.
N.ro Sig.re mi ha dato autorità di chiamare li sbiri del Governatore et faccia carcerare chi farà rumore.
- ↑ The Archconfraternity of the Gonfalone was a group of white penitents (due to the colour of their robe) that were headquartered in the church. They were established in 1264 at Rome. St. Bonaventure, at that time Inquisitor-general of the Holy Office, prescribed the rules, and the white habit, with the name Recommendati B. V. See M.McGahan, Florence. "Confraternities of Penitents." The Catholic Encyclopedia. Vol. 11. New York: Robert Appleton Company, 1911.
