This page has been proofread
Admodum Reverende, et Clarissime Domine. Accepi ab Admodum Illustri, et Reverendissimo Domino Nuntio Apostolico librum tuum, pro me adversus Rogerium Widdrin nuper editum: et quidem liber eruditionem non vulgarem, et charitatem erga me non exiguam, sed praecipue zelum pro veritate tuenda, et Ecclesia Catholica defendenda ardentissimum facile demonstrat. Quare omnes Ecclesiae Filii, et veritatis Amici tibi plurimum debent: et ego, praeter caeteros, et debeo, et ago gratias immortales. Precor à Domino Deo nostro tibi in sanctir istis laboribus perseverantiam, et mercedem plenam in die retributionis. Vale meae senectutis memor in sanctis, et Deo nostro gratissimis precibus tuis. Romae die 3. Augusti 1613.
