Page:EBC 1612 11 23 1240.pdf/3

praeiuditio fieri conspiciant, ne dolosa aliqua data fuerit informatio, subverentur. Affligimur sane quotidie ob non praestitum hoc iuramentum irrationabile fidelitatis, idemque pro magistratu tanta severitate exigitur, ut quamplurimi perterrefacti pro suis bonis conservandis, modificationibus quibusdam adhibitis, nullum omnino peccatum in eodem praestando arbitrentur perpetrari: atque ideo (confessariis non paucis renitentibus) praecipites ruunt in grandem contemptum apostolicorum brevium. Placuit (ut videtur) R.^mae Dom. Vestrae honorificentius de laboribus meis sentire; quos quidem ego (... fateor) minime recusarem, si auctoritati illi (quam ex corde veneror) gratos eos et acceptos esse cognoscerem. Scio me indignum esse hoc munere quo fungor. Verum si potestas ordinaria in laicos viris idoneis data esset, ipsi eam procul dubio magni facerent. Et haec certo una ratio est, qua maxime allicinntur sacerdotes nostri suppliciter pontificem maximum obsecrare, ut episcopi nobis concedantur. Haec denique Ill.^mae Dom. Vestrae tamquam uni ex principibus ecclesiae suggerere visum est, ut pro sua prudentia et eruditione praefatam nostram supplicationem apud suam s.^tem promovere dignetur. Longam vitam tribuat vobis Omnipotens Deus, et salvam faciat Ill.^mam Dom. V. ex omnibus persequentibus eam. Dat. Londini 23 Novemb. 1612
Ill.mae Dominationi vestrae addictissimus
Georgius Birchedus Angliae Archipresb. indignus.

◅