Page:EBC 1611 10 15 1108.pdf/1

Illustrissime Domine. Accepi litteras Reverendiss.Dominationis Vestrae, et miratus sum, cur tantas mihi gratias agat, cum parum omnino sit, quod ego praestiti. Portasse respexit non factum, sed voluntatem meam, quae optime affecta est erga istam nationem, quae sola inter orientales retinet veram fidem, et quasi lux quaedam fulget in medio tenebrarum. Quamvis autem negotia Maronitarum proprie spectent ad Illustrissimum Cardinalem Protectorem, et nos non simus soliti ingredi in messem alienam; tamen ex consensu Domi ni protectoris, et adiuvi aliquando eiusmodi negocia apud Sanctam Apostolicam Sedem, et deinceps libenter iuvabo. Quod autem Eccle sia ista persecutiones patiatur ab infidelibus, mirum esse non debet, cum ita semper actum sit oum ecclesia Dei, et a Christo Domino multis in locis praedicatum: vult enim Deus, ut ecclesia sua semper exerceatur ad patientiam, et fides nostra probetur, sicut aurum in fornace, et per multas tribulationes intremus in regnum Dei, Cupio Dominationem Vestram Reverendissimam semper bene vale re, et mei memorem esse in sanctis precibus suis. Datum Romae A die 15 Octobris 1611.
Ill.mo et R.mo D.no Petro patriarchae Antiocheno Maronitarum.
Inscriptio est:
Robertus Card.lis Bellarminus, tit. S.tae Mariae in Via, Ill.mo et R.mo Petro Patriarchae Antiochiae Maronitarum salutem in Domino sempiternam.