Page:EBC 1611 06 23 1074.pdf/1

Rob. Bellarmino S.R.E. Cardinali. Romam. Ill.me et R.me Dne.
Binos Ill.mae D.V. libros, Apologiam pro Responsione sua ad librum magnum Britanniae regia, et tractatum de potestate Summi Pontificis in rebus temporalibus centra Barclaium, mittente Ioanne Paulo Gelilo bibliopola romano, parens paullo ante mortem accepit, typis suis recudendos: nec ambigebat, Ill.ma D.V. sciente, etsi forsan haud iubente, Gellium misisse. Itaque hunc Ill.mam D.V. operam praestare, inprimis desiderabat. At Ser.mi nostri principes (quorum citra facultatem nihil in Belgio excudi licet) haud permiaerunt: ne vicinos scilicet principes, concesso pro libris quibus ii offendebantur privilegio, irritare viderentur; cum alioqui in Germania aut alibi excusos, minime in suis provinciis ducendi vetent. Hanc aequissimam sui excusationem perscribere parens subinde cogitabat, quandocumque occasionem nobos aliquot typographiae suae fructus Ill. D.V. reponendi nactus esset. Quare defuncti parentis voto ego et frater Ioannes, simul cum mater vidua, merito libenter satisfacimus, obsequia nostra et cultum deferimus, et per Helmanum Cobbe mercatorem isthic Belgam qui has Ill.mae D.V. litteras reddet, recentiores aliquot a proelis nostris libros mittimus. Quaesumus aequi bonique consulere, velut ab ipsius parentis manu,
Ill.ma dignetur; et quo illius amore solet, nos eius filios, Plantini nepotes, amplecti. Quibus modo typographiae Plantinianae publico rei christianae bono illustrandae, extremo patria morituri decreto, cura incumbit. Quam ut commodius sustinere possimus, ad R.umet Cl.um Scipionem Cobeliutium scribimus, pro eadem nobis a S.mo Pontifice libros ecclesiasticos et Sacra Biblia cudendi facultatem quae avo Plantino et patri Moreto a Summis olim Pontificibus concessa est. Rogamus Ill.mam D.V. rem hanc nostram suo commodo commendatam habere ne gravetur. Et Deo Opt. Max. supplicaturos nos addicimus ut quam diutissime eum maxime Ecclesiae catholicae bono Ill.mam D.V. incolumem servet. Antverpiae,in officina Plant., IX Kal. Julii 1611