Page:EBC 1607 10 31 0708.pdf/3

From GATE
This page has been proofread

per ministrum haereticum, iis in locis ubi in regionibus catholicis sunt haeretici parochi.
Ad haec radicitus tollenda et in posterum praecavenda, efficaci remedio opus erit tum circa superiores tum circa subditos, et multum iuvare possunt principes, ut passim in concubinas animadvertatur et pellantur. Sed quid facto opus melius istic videbitis.
Haec sunt quae hoc tempore,ad ecclesiae utilitatem insinuanda duxi, non quidem quod haec ad me spectarent, sed quoniam Ill.mam D.nem V.ram gradum promotam scio ut ad ecclesiae utilitatem advigilet; id ut quam cumilatissime praestet idque maximo suo merito, ha haec pro antiqua nostra necessitudine suggerere volui, sperans non fore ingrata.
De Dania addam pauca Apud Danos nihil publice agitar de religionis mutatione; magnas tamen vires in occulto sumere dicitur calvinismus. Non ita dudum venit quidam calvinista ex Belgio ad maritimas civitates Daniae, vir maturae aetatis, vestitus in serico et holoserico instar sponsi, sed mirus in incessa et verbis simulator. Hic adduxit 4 magistros artium iuvenes, ut in scholis versentur et lignam addiscant. Colligit idem iuventutem et mittit eam in Hollandiam; duodecim ex ditioribus sibi iunxit magnis pollicitationibus; quos etiam nane illinc abduxisse existimamus. Non videntur haec fieri sine regie et praefectorum consensu. Quo hae machinationes tendant non videtur ooscurum; magis autem admiror Hollandorum liberalitatem in exteros. Principes calvinista partis sibi coniunxerunt quotquot potuerunt lutheranos principes, inter quos est etiam Danus. Verentur enim sibi a catholicis (ut fertur), vel potius malum illi catholicis meditantur. Si rex Hispaniarum pacem haberet cum Belgis, forte Lotharingus recuperaret suam haereditatem a Danis; haeres enim is legitimus est saltem Norvegiae et Scandiae; magna sic catholicis accessio fieret sub specie haereditatis recuperandae. Nam, si titulo religionis bellum fieret, omnes haeretici sese coniungerent.
---page break---