Page:EBC 1602 08 14 0274.pdf/1

From GATE
This page has been proofread

Reverendissime et Clarissime Domine. Gratulor tibi pium votum a Deo sine dubio inspiratum, serviendi Domino in humilitate praeclarissimi Ordinis. Nec solum gratulor, sed etiam invideo tam felicem sortem. Utinam mihi liceret, dimissis turbis, in montem ascendere. Sed unusquisque donum suum habet a Deo: unus sic, alius autem sic,[1] ut Apostolus loquitur. Illud autem cum Sapiente admoneo, ut animum tuum ad tentationes praepares, et de perseverantia serio cogites. Respondeo per inclusas litteras ad epistolam Domini Valentini Leuchtii, et permitto iudicio Patrum Societatis lesu totum negotium. Eas litteras fidei tuae commendo. Vale, sacerdos optime, mei memor in sanctis precibus tuis. Capuae die 14 Augusti 1602.

  1. 1 Corinthians 7:7