Page:EBC 1602 06 29 0263.pdf/1

Longo ac difficili itinere, e media Germaniae evocatus, paucis ab hinc diebus una cum fratre in urbem perveni, Ill.me et Rev.me D.ne ea praecipue mente ac consilio, ut quoniam mihi iamdudum consimile Augustini voto votum, videro Romam in choro, pontificem in cathedra, Cardinales in Comitatu, partim animum tum insueto spectaculo oblectarem, partim Beo beneficentissimisque patronis, quorum opera vel in fide institutus, vel in necessitatibus sublevatus essem, debitas grates persolverem, mihique eorumdem gratiam constantius deincep devincirem. Quorum utrorumque ita beri in vigilia SS. Petri et Pauli initium feci, ut et Deum veneratus, et Pontificem cum universo purpuratorum Patrum collegio conspicatus, et meorum etiam praecipuis salutatis mihi desiderarim, nisi te unum desideratissimum Bellarminum meum (fas sit ita loqui intemperantissimo amori meo) qui si affuisses, corona sanctorum piena, et gaudium meum omnibus numeris absolutum fuisset. Sed intelligo pastorem ad oves, patrem ad filios, ducem ad exercitum convolasse. Placet et hoc, neque indignor, quin (si accipis a cliente hoc officii) tam sublimem tibi dignitatem, et episcopale unus, quod appetentes, bonum opus appetere Paulus alt ex animo gratulor. Ardet interim pectus incredibili tui videndi cupiditate, quod quia oculis negatum est, litteris conabor, nec mente a te unquam vel latum pilum dimovebor. Nos hic fovet et complectitur magnus ilio collega tuus Bainnius, cuius a mensa et contubernio nunquam segregamur. Mirifica principia humanitas, incredibilis doctrina, munificentia cum paucis comparanda, ut si nihil quod Romae miraremur, hoc uno domestico monumento contenti esse possemus: ita piane domus eius omnium virtutum pietatisque sacrarium est. Sed et alibi in urbe confertim se lutulenta et maxime insignia pietatis spectacula offerunt, sive templorum ornatum, sive splendorem urbis, sive martyrum numerum, sive antiquitatum sive populi denique zelum et contivam religionis contentionem spectemus. O utinam videant
---page break---

▻