Page:De scriptoribus ecclesiasticis liber unus (1613).pdf/259

From GATE
This page has not been proofread



Ab anno Domini 1400 ad 1500

p. 241



De Venetae urbis situ, 4.
De Venetis magistratibus, 1.
De praetoris officio, 1.
De officio scribae dialogus.
De Latinae linguae reparatione dialogus.
Epistolarum, lib. 12.
Orationes, 12.
Poemata varia.


[357.] De Paulo Middelburgio – 1500

Paulus Middelburgius episcopus Forosempronii, viuebat anno 1500 & scripsit ad Leonem decimum libros De tempore Paschali & ad Maximilianum imperatorem libros De die passionis Domini, qui notissimi sunt.


[358.] De Ioanne Nauclero – 1500

Ioannes Nauclerus praepositus Tubingensis viuebat anno 1500. Scripsit ingens Chronicum continens res memorabiles ab initio mundi usque ad annum Domini 1500. Opus distinguitur in duo volumina & primum quidem continet generationes 63 ab Adam usque ad Christum, alterum continet generationes quinquaginta & unam.


[359.] De Alberto Krantzio – 1500

Albertus Krantzius Bambergensis, vir admodum diligens in historiis conscribendis, viuebat anno Domini 1500.
Scripsit Metropolim, quae continet historiam ecclesiasticam.
Item Historiam Saxonicam & Vandalicam & Chronicum aliarum septemtrionalium regionum. Sed impiae notae ad marginem additae ab haereticis, fecerunt, ut libri huius auctoris prohiberentur in Indice Romano, donec purgarentur.


[360.] De Felino – 1500

Felinus Sandeus Ferrariensis, iurisconsultus celeberrimus, viuebat anno Domini 1500.
Scripsit In libros Decretalium.
Item Tractatum de iurepatronatus.
Sermonem De indulgentia plenaria & alia.