Page:De scriptoribus ecclesiasticis liber unus (1613).pdf/241

From GATE
This page has not been proofread



Ab anno Domini 1400 ad 1500

p. 223



mate, in quo sunt aliqua corrigenda, quare in Indice librorum prohibitorum liber eius De schismate cum praefationibus, Argentinae impressus ab haereticis, prohibitus est, donec corrigatur.


[307.] De Petro ab Alliaco – 1410

Petrus ab Alliaco archiepiscopus Cameracensis & Cardinalis, creatus a Ioanne XXIII anno 1411. Obiit sub Martino V anno 1426.
Scripsit in quatuor libros Sententiarum.
Item De laude Scripturae & ecclesiae stabilitate.
Quaestiones in exameron.
Paraphrasim in Psalmos.
Meditationes in Psalmum 30 & 41.
In principium euangelii secundum Marcum.
In orationem dominicam & salutationem angelicam.
In Cantica B. Mariae & Zachariae & Simeonis.
Speculum considerationis.
Compendium contemplationis.
De spi< ri >tuali scala.
De sacramentis.
De legibus & sectis.
De electione summi pontificis.
De exercitio spirituali.
De concilio generali.
De duodecim honoribus S. Ioseph.
Sermones & epistolas.
De concordia theologiae cum astrologia & historia.
De anima & accidentibus eius.
Quaestiones in sphaeram Ioannis de Sacrobosco.
Tractatum in libros Meteororum.
Scripsit quoque Vitam S. Petri Caelestini gauiter & pie & renunciationem pontificatus ab ipso factam laudat & defendit contra detractores. Neque verum est, quod aliqui dicunt, hanc Vitam non esse scriptam a Petro de Alliaco archiepiscopo & cardinale, sed a quodam alio Petro de Alliaco Gymnasii Nauarrici archididascalo, hoc, inquam, non esse verum, perspicue constat ex praefatione ad ipsam Vitam, ubi se auctor episcopum nominat. Unum est, in quo reprehenditur hic auctor, quod videlicet sensisse videatur, Christi natiuitatem praenosci potuisse ex genethliacis obseruationibus, atque ad hoc adduxerit apparitionem stellae, quae apparuit magis, de qua re vide Sixtum Senensem libro 5 Bibliothecae sanctae, annotationes 15 & 81 & libro 6 annotatatio 10.