Ab anno Domini 1300 ad 1400
p. 215
etiam leuiter attigerit priora tempora ab erectione turris Babyloniae usque ad sua tempora.
Scripsit autem idiomate Italico & totam Historiam libris duodecim comprehensam perduxit ad annum Domini 1348.
Quamuis autem propositum eius fuerit scribere historiam ciuitatis Florentiae, tamen multa commemorat utilia de rebus ecclesiasticis, quae ab aliis minus fideliter narrata fuisse inueniuntur.
[277.]
De Guidone Carmelita – 1330
Guido natione Catalanus, prior generalis ordinis Carmelitani ac postea episcopus Maioricensis, scripsit ingens volumen De omnibus haeresibus, quod extat impressum Parisiis.
Multa alia scripsisse fertur, quae ad manus meas non peruenerunt. Claruit anno 1330.
[278.]
De Astesano Astensi – 1330
Astesanus Astensis scripsit Summam casuum conscientiae libris octo, quae typis mandata fuit Venetiis.
Viuebat anno Domini 1330.
[279.]
De Adamo Goddam – 1330
Adamus Goddamus, Anglus, scripsit Commentaria in quatuor libros Sententiarm, quae edita fuerunt Parisiis anno 1512.
Viuebat auctor anno 1330.
[280.]
De Landulpho Carthusiano – 1330
Landulphus, siue Ludolphus natione Saxo, professione Carthusianus, vir valde pius, scripsit Historiam vitae Domini nostri Iesu Christi ex euangeliis depromptam.
Scripsit etiam Commentaria in Psalmos, iuxta sensum praecipue spiritualem.
Claruit circa annum Domini 1330.
[281.]
De Lupoldo Bambergensi – 1330
Lupoldus Bambergensis, vir eruditus, aequalis Landulphi Carthusiani, scripsit librum De iuribus imperii, in quo multa admiscet ad historiam ecclesiasticam utilia.
[282.]
De Ioanne Andrea – 1330
Ioannes Andreas Bononiensis iureconsultus doctissimus floruit tempore Ioannis XXII papae, sed obiit anno 1348.
Scripsit in quin-
