Ab anno Domini 1200 ad 1300
p. 205
Declaratio regulae minorum.
Quaestiones circa eandem regulam.
Quare fratres minores praedicent, &c.
De paupertate Christi.
Quod Christus & apostoli nudis pedibus incedebant.
Apologia euangelicae paupertatis.
Contra calumniatorem regulae franciscanae.
Apologeticus in eos qui ordini minorum aduersantur.
De non frequentandis quaestionibus.
Collationum libellus ad fratres.
De reformandis fratribus, ad ministros prouinciales.
Appendix continet Compendium theologiae.
De essentia, inuisibilitate & immensitate Dei.
De mystica theologia.
Obiit vir S. Deo & hominibus amabilis valde, anno Domini 1274 mense Iulio, die quintadecima, quae erat Dominica, sub auroram, in concilio Lugdunensi, ut in ipso concilio legitur.
[346.]
De Petro Tarantasiensi – 1265
Petrus Tarantasiensis ordinis S. Dominici cardinalis Hostiensis a Gregorio X pontifice cum S. Bonauentura creatus, ipsi Gregorio succedens, & Innocentius V appellatus, quinto mense obiit, anno Domini 1276.
Scripsit In quatuor libros Sententiarum.
Dicitur etiam scripsisse in Pentateuchum, in Psalmos, in euangelium Lucae & in epistolas S. Pauli & denique Compendium theologiae.
Non defuerunt qui plusquam centum propositiones eius reprehenderent, sed iussu Ioannis Vercellensis magistri generalis ordinis Praedicatorum a S. Thoma defensae sunt, ut ex opusculo eius perspicuum est.
[347.]
De Henrico Sterone – 1265
Henricus Stero monachus Chronicam scripsit ab anno 1 Frederici I usque ad Rodulphum Aspurgium, idest ab anno Domini 1152 usque ad annum 1273, vide Henricum Canisium tomo 1 Antiquae lectionis.
[348.]
De Udalrico Argentinensi – 1280
Udalricus de Argentina ordinis Praedicatorum & Alberti Magni auditor, scripsit In libros quatuor Magistri Sententiarum & Summam theologiae, ac librum De anima.
Claruit anno Domini 1280.
