Ab anno Domini 1200 ad 1300
p. 195
De daemonibus, 1.
In exameron, 1.
In Psalterium, 1.
In Prouerbia Salomonis, 1.
In Ecclesiastem, 1.
In Cantica canticorum, 1.
In euangelium Matthaei, 1.
Sermonum, 1.
Epistolarum, 1.
De collatione & pluralitate beneficiorum ecclesiasticorum, tractatus duo.
[330.]
De Iacobo a Vitriaco – 1240
Iacobus a Vitriaco, natione Gallus, S. R. E. cardinalis & episcopus Tusculanus a Gregorio nono creatus, multis laboribus pro ecclesia Dei perfunctus in oriente & occidente, pie obiit anno Domini 1240, de quo multa narrat Thomas Cantapratensis eius ferme aequalis.
Scripsit magnum volumen concionum de tempore, in quibus multus est in sacris scripturis citandis & exponendis.
Scripsit libros duos Historiae Hierosolymitanae & occidentalis.
Item librum unum Contra Saracenos.
Item libros duos De vita B. Mariae Oegniacensis, qui extant apud Surium, die 23 Iunii.
Denique scripsit epistolas ad diuersos.
[331.]
De S. Edmundo Cantuariensi – 1240
Sanctus Edmundus archiepiscopus Cantuariensis a Gregorio nono pontifice creatus, obiit anno Domini 1240 & paulo post ab Innocentio IV pontifice in sanctos relatus fuit.
Sripsit utilem librum, qui Speculum ecclesiae dicitur & extat in tomo quinto Bibliothecae sanctorum Patrum editione 2.
[332.]
De Innocentio IV – 1243
Innocentius quartus pontifex, patria Genuensis, vir doctrina & prudentia clarus, sedere coepit anno Domini 1243 & obiit anno 1254.
Scripsit Apparatum super Decretales breuem, sed eruditum.
Scripsisse dicitur etiam alium librum, Nouelas siue authenticas appellatum, necnon librum De pontificis auctoritate & imperatoris iuribus contra Petrum de Vineis.
Sed hos duos posterioris libros ego non vidi.
