De scriptoribus ecclesiasticis
p. 132
Annallium ad annum Christi 174 a Victore Capuano erratum esse in nomine: Ammonii enim, non Tatiani ea Harmonia est.
Vide Bibliothecam sanctorum Patrum tomo quarto editionis 2.
[181.]
De Iusto Orgelitano
Sanctus Iustus Orgelitanus episcopus vixit tempore Iustiniani imperatoris.
Scripsit in Cantica canticorum.
Extat hoc opus in Bibliotheca sanctorum Patrum tomo 1 editionis secundae.
Vide de hoc auctore Isidorum De scriptoribus ecclesiasticis cap. 14 & De viris illustribus cap. 34.
[182.]
De Anastasio Synaita – 544
Anastasius Synaita episcopus Antiochenus vixit tempore Iustiniani imperatoris, ut scribit Euagrius libro 4 Historiae c. 39.
Scripsit multa, sed solum extat ὁδηγὸς, idest [dux viae] contra Acephalos, impressus Ingolstadii anno 1606 & praeterea extant in Bibliotheca sanctorum patrum tomo 1 editionis 2 Anagogicarum contemplationum in exameron libri undecim & De fidei dogmatibus libri quinque.
[183.]
De Aratore – 545
Arator subdiaconus S. R. E. scripsit duos libros carminum, quibus Acta Apostolorum complexus est.
Eos libros Vigilio papae obtulit & publice, eodem papa annuente, recitauit.
Extant in Bibliotheca sanctorum patrum tomo octauo.
[184.]
De Iunilio – 545
Iunilius episcopus Africanus scripsit ad Primasium item episcopum Africanum libros duos De partibus diuinae legis, qui extant in Bibliotheca sanctorum patrum editionis 2 tomo 1.
Tribuitur etiam Iunilio Commentariolus in prima capita Geneseos, sed ille non est Iunilii, sed Bedae.
Citat enim sanctum Gregorium & habetur inter opera Bedae.
[185.]
De Primasio – 545
Primasius episcopus Africanus tempore Vigilii papae Constantinopoli fuit, cum quinta synodus generalis celebraretur, ut constat ex coflatione secunda eiusdem synodi.
Scripsit in epistolas sancti Pauli, & in Apocalipsim non contemnenda Commentaria.
