Page:De scriptoribus ecclesiasticis liber unus (1613).pdf/146

From GATE
This page has not been proofread



De scriptoribus ecclesiasticis

p. 128



Seculum sextum ab anno 500 ad 600


[167.] De S. Fulgentio

Sanctus Fulgentius Carthaginensis, episcopus Ruspensis, vir sanctissimus & doctissimus, floruit tempore Thrasymundi regis, ad quem scripsit libros. Obiit anno Domini 529, vitae suae anno 65, episcopatus autem 25, ut Card. Baronius annotat tomo 6 Annalium. Scripsit plura teste Isidoro in libro De viris illustribus, quorum multa perierunt. Extant nunc in editione Antuerpiana anni 1574:

Ad Thrasymundum regem, lib. 3.
De incarnatione & gratia Christi, 1.
Ad Monimum, 3
Contra objectiones Arianorum, 1.
Ad Donatum, 1.
Ad Euthymium, 2.
Ad Ferrandi quaestiones, 2.
De fide ad Petrum, qui inter libros Augustini habetur, de quo diximus supra, 1.
Epistolae septem satis prolixae instar librorum, 7.
Denique Sermones decem variorum argumentorum, qui soli supersunt ex multis, quos scripsisse & habuisse dicitur.


[168.] De Ennodio – 503

Ennodius diaconus & postea episcopus Ticinensis, claruit tempore Symmachi & Hormisdae pontificum Romanorum. Scripsit anno 503 Apologeticum librum pro quarta synodo sub Symmacho. Scripsit etiam epistolas & alia, quae extant excusa Parisiis in 8.


[169.] De Petro diacono – 503

Petrus diaconus aequalis S. Fulgentii fuit, ut notum est ex libris inuicem scriptis. Scripsit enim Petrus hic librum De incarnatione & gratia Christi ad S. Fulgentium & alios episcopos Africanos, qui liber extat inter opera S. Fulgentii proxime ante librum S. Fulgentii de eodem argumento.