Ab anno Domini 400 ad 500
p. 99
De Genesi imperfectus, 1 – 1 Retractationum 18.
De Genesi ad literam, 12 – 2 Retractationum 24.
De mirabilius sacrae scripturae, 3.
De agone christiano, 1 – 2 Retractationum 3.
De opere monachorum, 1 – 2 Retractationum 31.
De spiritu et litera, 1 – 2 Retractationum 37.
De diuinatione daemonum, 1 – 2 Retractationum 36.
De ecclesiasticis dogmatibus, 1.
De spiritu & anima, 1.
De fide ad Petrum, 1.
Speculum, 1 – Indiculum.
Quaestiunculae de Trinitate, 1.
De benedictionibus patriarcharum, 1.
Sententiae, 1.
Obseruatio:
Liber De mirabilibus sacrae scripturae non sine causa non inuenitur in Retractationibus, neque in Indiculo Possidii, quoniam liber est indignus ingenio & grauitate S.
Augustini, quem etiam non magnifecit & S. Augustini esse negauit S. Thomas 3 p., q. 45, art. 3 ad secundum.
Liber De ecclesiasticis dogmatibus non videtur esse S. Augustini, cum praecipue conflatus sit ex sententiis concilii Arausicani & summorum pontificum Innocentii, Zozimi, Caelestini, & maxima ex parte ex operibus S. Augustini; atqui concilium Arausicanum & epistolam Caelestini, scripta esse constat post obitum s. Augustini.
Hadrianus papa in epistola ad Carolum Magnum, tomo 3 Epistolarum summorum Pontificum citat de reliquiarum veneratione cap. 73 libri De ecclesiasticis dogmatibus, sub nomine Gennadii Massiliensis episcopi.
Algerus qui floruit anno Domini 1100 tribuit eundem librum Gennadio, scribens de corpore & sanguine Domini libro 3 cap. 22 quod etiam facit Platina in Vita Symmachi, ubi dicit, tempore huius pontificis scriptum fuisse a Gennadio Massiliensi librum De ecclesiasticis dogmatibus.
Liber De spiritu & anima non est S. Augustini, sed alicuius multo recentioris, cum cap. 37 citet Boetium, qui fere centum annis fuit Augustino posterior, & cap. 48 multa proferat ex libro De ecclesiasticis dogmatibus.
Est tamen liber doctus & pius.
Liber De fide ad Petrum non videtur esse S. Augustini, cum non fiat eius mentio nec in Retractationibus nec in Indiculo.
Tribuitur a multis sancto Fulgentio, tum quod Petrus quidam diaconum eius amicissimus fuerit, & hic liber scribatur ad Petrum diaconum; tum etiam, quia stilus conformis sit stilo sancti Fulgentii.
Denique Bertramus presbyter, qui circa annum Domini 1010 scripsit De corpore
