GATE - User contributions [en]

Page:Prodromus coptus sive aegyptiacus (1636).djvu/93

2018-01-17T15:52:47Z

ViscontiRossi: /* Proofread */

<noinclude><pagequality level="3" user="ViscontiRossi" /></noinclude>''quandam antiquam eiusdem Regis :)'' qui fingebatur ascendisse in aera Draconi infidens, quem ferui, qui se dicebant ituros cum Rege, variis armorum generibus instruxerant; qui verò remanserant, barbam Draconis vellicantes, arma quaedam tulerunt in memoriam Regis in iis veluti praesentem eum intuentes. ''Alludit itaque Author huius scripturae ad hanc historiam, ut declaret effigies memoratorum Regum, Regi praesentium, et viventium loco fuisse; ideo subiungit, Claritudo, quam reddunt hae imagines, ostendit eos nobis praesentes adesse.'' Anno tertio Tieñ pào ''(annus is erat Dominus 745.)'' fuit in Iudaea Sacerdos quidam Kie hò, qui stellarum ope ductus in Chinam appulit, et respiciens Solem ''(erat haec Caerimonia eorum, qui ad Regis admittebantur colloquium)'' ad conspectum nostri Imperatoris intromissus est. Rex autem iussit, ut Sacerdos Ioannes et Paulus cum aliis eiusdem professionis viris, et cum praesente tantae virtutis viro Kiè ho ad palatium Him Kim vocatum, ad adorandum, et ad sancta ''(devotionis)'' opera exercenda sese conferrent. Hoc tempore litterae Regiae in tabellis Ecclesiae servabantur, preciose fecundum ordinem ornatae, splendentes colore rubro et ceruleo, et penna Regia replebat<noinclude><references/></noinclude>

Page:Prodromus coptus sive aegyptiacus (1636).djvu/95

2018-01-17T15:40:08Z

ViscontiRossi: /* Proofread */

<noinclude><pagequality level="3" user="ViscontiRossi" /></noinclude>ad Euangelii statum instaurandum, promovendumque; instituit. Regimen ipsius erat admodum excellens, rogamus DEUM pro ipso, non verecundantes in hoc. Magnae virtutis est aeque esse humilem, pacificum, et scientem, tolerare proximum, abundare charitate ad omnes iuvandos, et benefacere omnibus viventibus. Haec est vera via, et scala sanctae legis nostrae, facere ut pluvia et venti solitis temporibus revertantur, mundus sit quietus, homines bene gubernati, res singulae recte dispositae, viventes bene vivant, defuncti gaudio perfruantur. Haec habere in promptu, et rationem reddere, in veritate procedit ex nostra sancta fide, et omnes effectus sunt fortitudinis, et potentiae sancti Euangelii nostri.
 12. Rex Sacerdoti dicto Usu magno legis promulgatori hosce titulos dedit Kin iù, quam lò tai fù ''(officium est in regia aula)'' et Soù fum ciè tù fù lèi ''(officium extra aulam)'' Xi tieñ, thum Kieñ ''(officium quoque aliud est, quorum explicationes non inveni in exemplari.)'' Item dicto Sacerdoti magnae legis promulgatori vestimentum Ecclesiasticum coloris caerulei, ''(italice di color pauonazo)'' donavit. Erat Sacerdos iste pacificus, aliis benefacere gaudebat, virtutis opera summo studio peragendo. Advenit ille in Chinam regione remota ex loco<noinclude><references/></noinclude>

Page:Prodromus coptus sive aegyptiacus (1636).djvu/94

2018-01-17T15:27:23Z

ViscontiRossi: /* Proofread */

<noinclude><pagequality level="3" user="ViscontiRossi" /></noinclude>vacuum, ascendens, et ad Solem usque pertingens: favor eius et dona altitudini montis Austri comparantur, et abundantia beneficiorum profunditatem aequat maris orientalis. Ratio non potest non probare approbatum, et memoratu dignum. Ideo Rex dictus Sa cum neñ meñ, (qui regere coepit anno 757.) in hoc Lim <unclear>Suũ Seũ</unclear>, et quinque urbibus recenti mandato Ecclesias fieri voluit. Erat hic Rex eximiae indolis, sub quo porta felicitatis toti Regno aperta est, hac felicitate gaudio et plausu existentibus, res gubernationis regalis maximè elevatae sunt.
 10. Rex Tai cum veñ vù ''(adiit imperium anno 764.)'' bonorum temporum particeps factus, negotia regni sine difficultate administrabat: sesto nascentis Christi singulis annis in gratiarum actionem mittebat odoramenta caelestia, et ad honorandos huius sanctae legis ministros, rerum omnium, et annonae regiae assignabat provisionem; certè caelum mundo tribuit pulchritudinem, et perfectionem, et ideò liberaliter res producit; hic Rex imitabatur caelum, iccirco noverat alere, et sustentare suos.
 11. Rex Kieñ Cium Xim veñuũ, regnans anno 781. Octo utebatur modis ad praemiandos bonos, et castigandos malos. Novas rationes<noinclude><references/></noinclude>

Page:Prodromus coptus sive aegyptiacus (1636).djvu/92

2018-01-17T15:10:43Z

ViscontiRossi: /* Proofread */

<noinclude><pagequality level="3" user="ViscontiRossi" /></noinclude>
9. Hoc tempore erat quidam princeps Sacerdotum ''(videtur fuisse Episcopus)'' nomine Ioannes, et alius magnae virtutis vir nomine Kie lie. Hi duo cum aliis nobilibus popularibus suis non fama minus, quam rerum mundanarum contemptu celebribus, coeperunt iterum rite Evangelium suum excellens explicare continuando, et fila ''(malitia Cacodoemonis)'' pridem rupta reficere. Rex dictus Hiueñ cum chi taõ ''(coepit huius Imperium anno 719.)'' quinque Regulis praecepit, ut in persona adirent felicem domum, ''(hoc est Ecclesiam)'' et erigerent altaria. Tum columna legis, quae ad breve tempus iacuit prostrata, coepit cursum erigi, et incrementa sumere. In hoc principio anni Tieñ pao ''(<sic>qaod</sic> erat anno Domini 743.)'' praecepit Rex Ota Ciam Kuen ''(nomen tituli)'' dicto Cuoliè siè (erat is Eunuchus summa apud Regem gratia valens et authoritate) ut effigies veras quinque Regum praedecessorum avorum suorum deportaret, et in Ecclesia collocaret, unaque centum preciosarum rerum cimelia in ecclesiam deferret ad solemnitatem hanc celebrandam ''(dicit Author Kim Cim in laudem ipsorum Regem)'' Barbae longae draconis etiamsi longe sint, nihilominus arcus et enses eius manibus apprehendi possunt ''(alludit ad historiam''<noinclude><references/></noinclude>

Page:Prodromus coptus sive aegyptiacus (1636).djvu/91

2018-01-17T14:54:51Z

ViscontiRossi: /* Proofread */

<noinclude><pagequality level="3" user="ViscontiRossi" /></noinclude>meritis conferuntur: aedificia sunt grandia: ''(verbo)'' regnum celebre est poësi, et bonis moribus.
 7. Docào, cum, filius Taì cùm, gubernacula regni adiit anno Domini 651. ''(continuando Author Kìm Cìm haec dicit)'' Caò vim magnus Imperator minime virtutibus Avi sui degener, novit cum honore continuare intentum Avi sui, et dilatare et honorare res patris sui, praecipiens in omnibus provinciis fieri ecclesias, unaque honorans Olò puèn titulo Episcopi magnae legis, quae gubernat Regnum Chinae. Tum lex Dei promulgata est per decem provincias ''(quibus Sinense Regnum continebatur et regnum summa pace fruebatur:)'' Ecclesiis replebantur omnes urbes, et domus felicitate Evangelii florebant.
 8. In hoc anno dicto Xim liè ''(qui tum annus Domini 699.)'' Bontii Pagodum sectatores suis usi viribus extulerunt voces ''(id est blasphemarunt nostram sanctam legem)'' in loco qui dicitur Tum cieũ ''(erat is forte in provincia Honan.)'' et in fine huius alterius anni dicti Sien tieñ ''(qui respondet anno Domini 713.)'' quidam privati homines in Sienò, quae erat antiqua Regia Veñ Vam in provincia Xeñsi ausi sunt nostram sanctam legem sannis, ludibrio, et vituperio proscindere.<noinclude><references/></noinclude>

Page:Prodromus coptus sive aegyptiacus (1636).djvu/90

2018-01-17T14:28:06Z

ViscontiRossi: /* Proofread */

<noinclude><pagequality level="3" user="ViscontiRossi" /></noinclude>''sectae Stai iù)'' debilitandas. In curru nigro versus Occidentem discessit ''(hoc est extra Chinam)'' verum ubi magnus Tam illustris factus est cum Tao, sanctum Evangelium Chinae illatum est. Paulo inde Rex effigiem illius ''(Olò puèn)'' qui ut diximus primus Evangelium attulit, depingi curavit, et muro appendi; excellens eius figura resplenduit portis Ecclesiae, et memoria semper fulgebit in mundo.
 6. Iuxta Geographos, qui partium occidentalium mentionem faciunt, et iuxta Historicos duorum Regnorum Hañ et Guei, Regnum Tancìn ''(id est Iudaea)'' ab Austro confine est Mari rubro, ab Aquilone relinquit montes gemmarum, ab Occidente boco das fullas ''(quod quid sit difficile est coniicere, ego Carmelum suspicor esse)'' in prospectu versus sanctos. Ab Oriente denique contermina est huic loco Ciamfam, et aquae, quam mortuam dicunt. Haec terra cineres eructat igne calentes ''(forte intelligit lacum Asphaltitim)'' producit balsamum , gemmas minutas, et Carbunculos ''(quibus insinuat Aegyptum cum reliqua ora rubri maris, in qua praedicta reperiuntur)'' Latronibus caret et Assassinis, populus in pace vivit et gaudio; in regnum non admittunt nisi Evangelium; dignitates nulli, nisi virtute
http://gate.unigre.it/mediawiki/images/thumb/a/a9/Prodromus_coptus_sive_aegyptiacus_%281636%29.pdf/page90-1024px-Prodromus_coptus_sive_aegyptiacus_%281636%29.pdf.jpg<noinclude><references/></noinclude>

Page:Prodromus coptus sive aegyptiacus (1636).djvu/89

2018-01-17T14:09:19Z

ViscontiRossi: /* Proofread */

<noinclude><pagequality level="3" user="ViscontiRossi" /></noinclude>totum regnum cum efficacia, et honore iussit divulgari, et dilatari, et in hoc anno 12. Ciñ quoñ 7. mense Autumni ''(erat is annus Domini 636.)'' rescripsit in hunc modum. ''(Promulgationis tenor est iste, qui sequitur.)'' Lex vera non habet nomen determinatum, nec sancti locum habent, ubi consistant determinatum: excurrunt ad omnes partes, ut mundum doceant, ad mundo laboranti succurrendum, velis remis ad utilitatem afferendam intenti. Ex hoc Regno Tancìn ''(sive Iudaea)'' Olò puèn magnae virtutis homo de locis adeo dissitis doctrinam, et imagines Regiae nostrae Curiae praesentaturus asportavit. Cuius nos intentum docendi a fundamentis examinantes, invenimus doctrinam eius admodum excellentem, et sine strepitu exteriori, fundatam principaliter in creatione mundi. Doctrina eius non est multorum verborum, nec superficietenus suam fundat veritatem, salutem hominibus adferens, et profectum: unde congruum est, ut toto nostro Imperio divulgetur. Mandarinis quoque, qui Nim fam dicuntur in eo curiae loco praecepit, magnam ut Ecclesiam exstruerent, eidemque viginti et unum Ministros deputarent. ''(Author Kìm Cìm laudat hìc Regem)'' scilicet ad vires Monarchiae Cheù Olad iù''(caput hoc est<noinclude><references/></noinclude>