Lernaea pestis, plebis incautae lues,
turbo pietatis, furiae labes feror.
O furia pectus ure, fulmineum rota
Frustra tentat
nunc mortis ictum, percute, trucida, fode.
umbram confodere
Heu, vanus auram quatio, fugitiuam peto
insanus vmbram, verbera incassum libro.
Itane meas sine caede vitabit manus?
Labitur in genua, dein in terram
Ah, Nigre, flammor, gliscit irarum febris.
Succurre Nigre, caedis emorior siti.
Accurrit Nigrius eumque attollit
NIG. -Pulsata crepuit ianua: furentem ocius
compone vultum . Cedite hinc lemures, citas Vertit hic theatrum
vanesce in auras umbra. ALP. -Quis pulsat fores? in scenam communem
NIG. -Iudex adest Ferrantus. ALP. -Haud facile tumens
residit ira. Necte paulisper moras, Abit Nigrius
iam me paratum sisto. Crudelis dolor,
quanto inquietum pectus impulsu feris?
Exit Castilla
CAS. -Tardas moras abscinde; Ferrantus vocat.
Marmore Camillus durior, totus riget,
aurique nulla tangitur flexus stipe.
PRINCEPS PARMENSIS MILITES MILITUM TRIBUNUS STUS IGNATIUS PROCERES Princeps Farnesius in Germaniam profecturus ad Caesarem cum milite contra Lutherum, se suumque exercitum Sti Ignatii precibus commendat. Comprimit malivolam linguam tribuni. Miles ad proelium
exercetur.*
