mox alia tendam retia. Infernus semel
quemcunque stringit nodus, adstringit diu.
Quis maesta lymphis ora profusis rigat,
durisque tundens lugubrem palmis sinum,
crimen peractum deflet?.O Erebi furor!
FERR. 83.[1]-Agnosco coeli prodigia! Regis manum
agnosco Summi; prodidi insontem, gravis
aliquando noxae perculit mentem dolor.
Ah parce, Divum Rector, infandum pia
detergat unda crimen: ex gemino fluat
fletus perennis lumine, cor aestu flagret,
laticemque flamma temperet, flammam latex.
Utriusque purus eluat crimen vigor.
NIG. -Frustra, dolose praedo, disrumpis fibras
auresque tundis Numinis inani sono.
Restitue nummos, proditor. FERR.*[2]-Nummos cape.
Eiuro pretium vile, detestor scelus.
NIG. -Animam, 84.[3] sceleste, debitam Diti vome.
FERR. -Loyola sancte, parce, te supplex precor,
Loyola, parce. NIG.-Nomine inviso cremor,
expellor, abigor. Debitum pendes tamen.
FERR.-Huc Celse fili, Celse, fer velox opem,
leva parentem, Celse. CEL. -Quis Celsum vocat?
FERR. -Parens severus, durus, ingratus vocat.
CEL. -Quem cerno stratum? Genitor? O casum asperum!
FERR. -Ignosce fili, redde meliorem vicem,
errasse fateor. CEL. -O pater, dulcis pater,
quis te iacentem contudit? FERR.- Certum nimis
summi flagellum vindicis; in aedes reduc
me, dulce pignus. Interim hoc unum accipe: