ludis adesse causa. Me poscit forum.
*[1]
Ignosce princeps. PRIN. -Agite, vos saltem, mei
proceres, manete. Crastino miles movet
lucente Phoebo castra: Germanam procul
anhelat Arcton caede Lutheri flagrans
et perduelli sanguine; exoptat prius
quam cedat urbe, ludicro Martis ioco
tenere Romam. Reddo ludorum vices.
Barbarorum exercitus Romam invadit.
Tuetur praecipuam urbis propugna=
=culam miles Hesperius cum
exigua manu. Repelluntur
Barbari. Pugnatur inde
certamine singulari. Hostes
sternuntur. Post turmam
militum novem, aggre=
=ditur ductor Hespe=
*[2]
MIL. -Coelo auspicante nuper edomui feram*[3]
inermis hydram, calybe iam corpus riget
coelum refrinxit arma. Mihi galea fides,
spes certa, fidus ensis, et clypeus amor.
His tectus armis cuncta Taenarii lacus
lacesso monstra. Barbara erumpat phalanx
iterumque Romae moenia oppugnet ferox,
unus repellam. Mysta, tibi voveo caput,
quocunque mandas pareo. Tantum mea
vultu benigno vota suscipias precor.
