Page:EBC 1619 09 14 2149.pdf/1

Sacra Caeaarea Majestas, et Domine Clementissime. Exultavit prae gaudio cor meum ut audivi foelicissimam electionem Majestatis Vestrae ad Sacrum Romanum Imperium; et eo majus gaudium fuit, quo manifestius apparuit Divinam providentiam, ob bonum Sanctae Catholicae Ecclesiae, dissipasse, ac fregisse omnia obstacula, quae invisibiliter daemones infernales, et visibiliter haeretici politici, ac falsi Christiani invenire potuerunt. Summo Deo, et Unigenito Filio ejus Jesu Christo Redemptori nostro, et Caelesti Curiae universae sit sempre gloria et laus, et vestrae Caesareae Majestati concedat idem Caeli Imperator vitam diuturnam, et perfectam victoriam ab inimicis, cum dilatatione terreni Imperii, et augmento meritorum valde excellentium ad regnum caeleste consequendum. Omnibus nobis humillimis Majestatis Vestrae servis gratissimum esset videre te hic Romae coronatum manu Summi Pontificis, qui in terris vices coelestis Imperatorie tenet, cum non indigeat Majestas Vestra exercitu armato, ut indigebant alii Imperatores, ob bella,quae cum principibus inimicis habebant. Quia Majestas sua, voluti alter Titus, vocatus publice, delitiae gene ris humani, ab omnibus principibus, et populis Catholicis adeo ex corde diligitur, et expetitur, ut nomo sit, qui nolit tua causa vi tam libenter profundere; quem agnoscunt patrem patriae, et Sanctaa fidei propugnatorem, ac defensorem acerrimum. Nolo longius progredi, ne taedio sim Majestati Vestrae; et recordetur me semper fidelissimum, et ex animo servum humilissimum fore. Romae 14 Septemb. 1619