Admodum Reverendi Patres
Scripsit ad me frater N. Cuveron, qui sic provincialem nominat Caelestinorum Gallorum, multa mala de iis qui reformationem observant. Respondi illi me habere altiores informationes, et ideo nullam fidem praestare me litteris ipsius. Spero jam Reginam, et forte ipsum etiam regem christianissimum esse Parisiis, et brevi ab delegatis judicibus a Sanctissimo Domino Nostro sententiam faciendam contra Patrem Marsilium et complices ejus, sic enim ipsum etiam regem esse illi infensum neque ignoro nuntium Apostolicum, nunc cardinelem Upaldinum omnino curaturum, ut deponatur intrusus Provincialis, et alius ordine et secundum Oonstitutiones legitime eligatur; ego certe frequentibus litteris illum admonui ut favere velit reformationi, et justitiae causae nostrae. Ego probo consilium vestrum de studio philosophico et theologico istic constituendo, sed consilium expectandum, et rem differendam usque ad electionem provincialis legitimi. Hac valeant R.dae Paternitates vestrae memores mei in sanctis precibus suis. Romae die 3 Junii 1616.
Admodum Rev.rum Paternitatum V.rum
Uti frater
Robertus Card. Bellarminus
---page break---
Admodum Rev.dis Prioribus Caelestinorum Avenionis et Gentilini constitutorum. Avenionem
Page:EBC 1616 06 03 1707.pdf/1
From GATE
This page has been proofread
