Page:EBC 1614 07 19 1451.pdf/2

(contin. )
Haereticos contra (totus fremat orbis, et orcus)
Rotore susceptos bella, arma, minasque referrem,
0 Roberte sacris Bellarmino edite Divis.
Sed tua iamdudum totum vulgata per orbem
Fama volat, summos ferientis vertice coelos,
Nec potis est unquam maiores sumere vires
Laus, quae se nullis patitur concludere metis.
Sicut enim Phoebus reliquas splendore nitenti
Exsuperat stellas, rutilanti et lumino vincit.
Quando caput croceum tremulis mane exerit undis
Et radiis loca quaeque suis abscondita lustrat;
Sic etiam Heroas vincis virtute vel omnes
Et longo post te spatio quoscunque relinquis,
Cum te vaticidis iuvat ora resolvere dictis,
Praeclaris populos scriptisque docere remotos.
Ut si quis cupiat meritas percurrere laudes
Forte tuas, narret potius quot tempore verno
Terra ferat gremio flores, quot copia larga
Fertilis autumni det poma, quot aequore pisces
Discurrant magno, quot volvat littus arenas.
Nec tamen idcirco nostris inductus abibis
Carminibus (quoniam per te mihi reddita vita est
Qua possum felix aeternum vivere) nec te
Immemor accepti Musa unquam nostra silebit,
Quamtumvis variis fortunae percita telis.
Quin tibi perpetuas non ficta mente profectas
Persolvet grates, etiam post fata superstes;
Grates quas nullum poterit subvertere tempus,
Non aquilo, non imber edax, non ulla vetustas
Omnia consumens alias quaecunque capaci
Complexu facies mundi revolubilis ambit
Si modo quod coeptum est decurret tramite fausto.
Interea tua te Pietas sacrata labantem
Quae fulcit mundum, centra furiosa malorum
Agmina defendat, seros et servet in annos
Invidiae expositum telis conamine vano,
Donec venturi cumulatus laudibus aevi
Aethereis tandem potiaris nectare mensis,
Coelicolas inter Divum aspectuque fruaris.
Quod precor ex animo votisque ardentibus opto.
Fridericus Pauli Restochiensis Megapolitanus.

◅